නත්තල යෙදී තිබුණු ඊයේ සිදුකරන ලද විශේෂ මෙහෙයුමකදී බීමත් රියදුරන් 322 දෙනෙකු පොලිසිය විසින් අත්අඩංගුවට ගෙන තිබේ.

මෙම මෙහෙයුමේදී පොලිසිය පුද්ගලයන් 29,539 දෙනෙකු පරීක්ෂා කර සැකකරුවන් 493 දෙනෙකු අත්අඩංගුවට ගෙන ඇත.

ඉන් 15 දෙනෙකු අපරාධ ක්‍රියාකාරකම්වලට සෘජුවම සම්බන්ධ පුද්ගලයන් බව පැවසේ.

අත්අඩංගුවට ගත් අයගෙන් සැකකරුවන් 179 දෙනෙකුට එරෙහිව වරෙන්තු නිකුත්කර ඇති අතර 88 දෙනෙකුට විවෘත වරෙන්තු නිකුත්කර ඇත.

මීට අමතරව, නොසැළකිලිමත් ලෙස රිය පැදවීම සම්බන්ධයෙන් පුද්ගලයන් 36 දෙනෙකු අත්අඩංගුවට ගෙන ඇති අතර ඊයේ දින පමණක් රථවාහන වැරදි 4,414ක් වාර්තා වී තිබේ.