යුද්ධයේ අවසන් අදියරේදී 2009 වසරේ මුල්ලිවයිකාල් හිදී ඝාතනයට ලක්වූ දෙමළ ජනතාව සිහිකර කැඳ සංග්‍රහ කළ කාන්තාවන් තිදෙනෙකු අත්අඩංගුවට ගැනීමේදී පොලිසියේ නිලධාරීන් අමානුෂික ලෙස හැසිරුණු බවට චෝදනා එල්ල වී තිබේ.

දේශසීමා රහිත වාර්තාකරුවන්ගේ හවුල්කරුවකු වන ශ්‍රී ලංකාවේ ප්‍රජාතන්ත්‍රවාදය සඳහා වූ මාධ්‍යවේදීන්ට අනුව, ත්‍රිකුණාමලයේ සාම්පූර් ප්‍රදේශයේ කාන්තාවන් තිදෙනෙකු ඊයේ (මැයි 12) රාත්‍රියේ පොලිසිය විසින් අත්අඩංගුවට ගෙන ඇත.

මුල්ලිවයිකාල් මරණ නිමිත්තෙන් කිසිදු අනුස්මරණ උත්සවයක් පැවැත්වීම වළක්වමින් අධිකරණ නියෝගයක් නිකුත් කර ඇති බව පවසමින් පොලිසිය එම කාන්තාවන් බලහත්කාරයෙන් ඇදගෙන යන අයුරු අවට සිටි පිරිස රූගත කළ වීඩියෝ දර්ශනවල දැක්වේ.

මෙම කාන්තාවන් තිදෙනා සමඟ කැඳ බෙදාදීමේ උත්සවයට සහභාගි වූ පුද්ගලයකු ද අත්අඩංගුවට ගෙන ඇති බව වාර්තා වේ.

At least 3 #Tamil women were arrested & violently dragged away from their homes in #Sampoor by #SriLanka police in the eastern city of #Trincomalee, on Sunday(12) night, for offering porridge to public in memory of tens of thousands of Tamils massacred in #Mullivaikkal, in 2009. pic.twitter.com/DjagTyHWLR

— JDS (@JDSLanka) May 12, 2024