October 20, 2025
තංගල්ල සහ ගාල්ල වෙරළ තීරයන්හි පසුගිය දිනවල සිදු කරන ලද ප්‍රධාන මත්ද්‍රව්‍ය වැටලීම් මාලාවකදී අත්අඩංගුවට ගත් සැකකරුවන් 16 දෙනෙකු සඳහා රැඳවුම් නියෝග ලබාගෙන තිබේ.
පොලිස් මත්ද්‍රව්‍ය නාශක කාර්යාංශය විසින් වැඩිදුර පරීක්ෂණ මෙහෙයවනු ලබන බව පොලිසිය පැවසීය.
තංගල්ල මුහුදු ප්‍රදේශයේ ගෝනි 51ක පාවෙමින් තිබූ මත්ද්‍රව්‍ය කිලෝග්‍රෑම් 839ක් සොයා ගැනීම සම්බන්ධයෙන් සැකකරුවන් පස් දෙනෙකු අත්අඩංගුවට ගන්නා ලදී.
පසුව, ශ්‍රී ලංකා නාවික හමුදාව දකුණු මුහුදේ මත්ද්‍රව්‍ය ප්‍රවාහනය කළ බවට සැක කෙරෙන යාත්‍රාවක් සිය භාරයට ගෙන එහි සිටි සැකකරුවන් හය දෙනෙකු අත්අඩංගුවට ගන්නා ලදී.
තවත් මෙහෙයුමකදී, නාවික හමුදාව පසුගිය සිකුරාදා ශ්‍රී ලංකාවට දකුණින් පිහිටි අන්තර්ජාතික මුහුදේදී අත්අඩංගුවට ගත් බහුදින ධීවර යාත්‍රාවකින් හෙරොයින් කිලෝග්‍රෑම් 53කට වඩා සොයා ගත් අතර, ඒ සම්බන්ධයෙන් ධීවරයන් පස් දෙනෙකු අත්අඩංගුවට ගෙන තිබිණි.
