රත්තරන් කිලෝග්‍රෑම් 35 ක් නීතිවිරෝධී ලෙස මෙරටට රැගෙන ඒමට උත්සාහ කිරීම සම්බන්ධයෙන් ඩුබායි සිට පැමිණි 32 හැවිරිදි ශ්‍රී ලාංකික මගියකු බණ්ඩාරනායක අන්තර්ජාතික ගුවන්තොටුපළේදී අත්අඩංගුවට ගෙන ඇති බව වාර්තා වේ.

අත්අඩංගුවට ගත් සැකකරු ග්‍රෑන්ඩ්පාස් ප්‍රදේශයේ පදිංචිකරුවෙකු බව වාර්තා සඳහන් කරයි.

ඔහු සතුව රන් බිස්කට් 195 ක් සහ රන් ආභරණ කිලෝග්‍රෑම් 13 ක් තිබියදී අත්අඩංගුවට ගෙන ඇති අතර, එහි මුළු වටිනාකම රුපියල් බිලියන 1.1 ක් යැයි ගණන් බලා තිබේ.