මාතර පොලිස් වසමේ පරෙවි දූපතට යන පාලම යට මුහුදේ තිබී හඳුනා නොගත් කාන්තා මළ සිරුරක් සොයා ගත් බව පොලිස් මාධ්‍ය අංශය පැවසීය.

මාතර පොලිසියට ලැබුණු තොරතුරක් මත ඊයේ (11) රාත්‍රියේ මළ සිරුර සොයා ගන්නා ලදී.

මියගිය කාන්තාවගේ වයස අවුරුදු 40ත් 45ත් අතර බව මූලික නිරීක්ෂණවලින් පෙනී ගොස් තිබේ.

කාන්තාව අඩි 5ක් පමණ උස බවත් ඇය කළු සහ කහ පැහැති ඇඳුමක් සහ කළු කොට සායක් ඇඳ සිටි බවත් පොලිසිය සඳහන් කරයි.

ඇයගේ අනන්‍යතාව තවමත් තහවුරු කර නොමැත.

මාතර පොලිසිය විසින් වැඩිදුර පරීක්ෂණ සිදු කරනු ලැබේ.