මිරිහාන මූලස්ථාන පොලිසියේ ළමා හා කාන්තා කාර්යාංශයේ ස්ථානාධිපතිනි ප්‍රධාන පොලිස් පරීක්ෂක වරුණි කේෂලා බෝගහවත්තගේ කාර්යාලයේ ඇති ඇයගේ ඡායාරූපය ඉදිරිපිට සුදු පැහැති මල් කළඹක් තබා පහනක් දල්වා ගිය පුද්ගලයන් සොයා මිරිහාන පොලිසිය විමර්ශනයක් ආරම්භ කර තිබේ.

ඇය රෝගාතුරව සතියක පමණ කාලයක් පොලිස් රෝහලේ ප්‍රතිකාර ලබමින් සිටියදී මෙම සිදුවීම වාර්තා විය.

පොලිසිය පැවසුවේ මිරිහාන පොලිස් ස්ථානයේ පිහිටි මිරිහාන පොලිස් ළමා කාන්තා කාර්යාංශ ගොඩනැගිල්ල තුළ එලෙස මල් කළඹක් තබා පහනක් දල්වා ගොස් ඇති බවයි.

නුගේගොඩ මිරිහාන පොලිස් වසමේ සිදුකළ වැටළීම් රාශියකට සම්බන්ධ වී ඇති ඇයට තර්ජන එල්ල වී ඇතැයි ද ඉකුත් දිනවල වාර්තා විය.