ඡායාරූපකරණය සම්බන්ධයෙන් ගත්කල, ඔබේ දුරකථන කැමරාව භාවිත කිරීම ද ඔබට පොලිසියෙන් කරදරයක් සිදුවිය හැකි බවට හේතුවක් යැයි හැඟෙන සිදුවීමක් පසුගියදා වාර්තා විය.

එය වාර්තා වූයේ ජාතික ජන බලවේග මැයි දින රැලිය සඳහා සූදානම් වෙමින් පැවති ගාලු මුවදොර පිටියේ දීය.

තරුණයකු රැලිය සඳහා ඉදිකරමින් තිබූ වේදිකාවේ ඡායාරූප ගනිමින් සිටියේය.

පොලිසිය ඔහුව දැක කොටුව පොලිස් ස්ථානයට ගෙන යන ලදී.

කෙසේවෙතත්, පසුව කරන ලද පරීක්ෂණයකදී, ඔහුට අපරාධ වාර්තාවක් නොමැති බවත්, ඔහු සැබෑ උනන්දුවකින් ඡායාරූප ගනිමින් සිටි බවත් සොයාගන්නා ලදී. එබැවින් ඔහු නිදහස් කරන ලදී.

අතීතයේ දී, හදිසි නීති රෙගුලාසි යටතේ, කොළඹ නම්කරන ලද අධි ආරක්ෂිත කලාපවල ඡායාරූප ගැනීම තහනම් කර තිබිණි.

එහෙත් සාමාන්‍ය නීතිය යටතේ ඡායාරූප ගැනීම අපරාධයක් ලෙස සැළකිය හැක්කේ කෙසේද යන්න පොලිසිය පමණක් දන්නා දෙයකි.