රජය සිය පාලනයේ පළමු වසරේදී අධ්‍යාපන අංශය වෙනුවෙන් 06% ක් වෙන්කරන බව පැවසූ බවට එල්ල වන චෝදනා අග්‍රාමාත්‍ය හරිනි අමරසූරිය ප්‍රතික්ෂේප කර තිබේ.

පාර්ලිමේන්තුව අමතමින් ඇය පැවසුවේ, අධ්‍යාපන ආයතන ශක්තිමත් කිරීම සඳහා නව ප්‍රතිපත්ති ක්‍රියාත්මක කළ යුතු බව පැහැදිලි වූ බැවින් එවැනි පොරොන්දුවක් ලබා නොදුන් බවයි.

“පළමු වසරේදී අපි 06% ක් ලබාදෙන බව කිසිවිටෙකත් කීවේ නැහැ. 2012 සිට අප සමඟ සිටින, අධ්‍යාපන වෙනස්කම් ඉල්ලා සිටින සමහර සෙසු සාමාජිකයින් මෙහි ඉන්නවා; එසේ වුවද, 6% ක් එකවර ලබාදිය යුතු යැයි අපි කිසි විටෙකත් කීවේ නැහැ,” ඇය පැවසුවාය.

අරමුදල් සැපයීමෙන් පමණක් ගැටළු නොවිසඳෙන බවත්, මේ සඳහා ප්‍රතිපත්තිමය වෙනසක් අවශ්‍ය බවත් අගමැතිනි හරිනි අමරසූරිය එහිදී පෙන්වාදුන්නාය.

රජයක් ලෙස අධ්‍යාපනය සඳහා ඉහළම අරමුදල් වෙන්කිරීම 2026 වෙනුවෙන් වත්මන් ආණ්ඩුව විසින් සිදුකර ඇති බවත්, එය රුපියල් බිලියන 7.04 ක් බවත් ඇය පැවසුවාය.

එමෙන්ම අග්‍රාමාත්‍යවරිය පැවසුවේ මෙම වසරේදී අධ්‍යාපනය වෙනුවෙන් 2.04% ක් වෙන් කර ඇති අතර, එය පසුගිය වසර ගණනාව සමග සසඳන විට ඉහළම අගය බවයි.

2026 වර්ෂයේ අයවැය මගින් අධ්‍යාපන අංශයට අරමුදල් වෙන්කිරීම සම්බන්ධයෙන් පාර්ලිමේන්තුවේදී මතුකරන ලද ප්‍රශ්නවලට පිළිතුරු ලෙස අග්‍රාමාත්‍ය හරිනි අමරසූරිය මෙම අදහස් පළකළාය.