June 12, 2025
රට පුරා පැතිර යන කොවිඩ් ප්‍රභේදය ආසාදනය වීමෙන් මේ වන විට පුද්ගලයන් දෙදෙනෙකු මිය ගොස් ඇති බව වාර්තා වේ.
ශ්‍රී ලංකා වයඹ විශ්වවිද්‍යාලයේ වෛද්‍ය පීඨයේ පීඨාධිපති මහාචාර්ය දුෂාන්ත මැදගෙදර සෞඛ්‍ය ප්‍රවර්ධන කාර්යාංශයේ පැවති මාධ්‍ය හමුවකට සහභාගී වෙමින් මේ බව අනාවරණය කළේය.
“වෛරස් විද්‍යා දෙපාර්තමේන්තුවට අනුව, ශ්වසන රෝගීන්ගෙන් 9%ත් 13%ත් අතර සංඛ්‍යාවකට නව කොවිඩ් ප්‍රභේදය වැළඳී තිබෙනවා. මෙම කොවිඩ් ආසාදනය ඉතා අඩු බරපතළකමකින් යුක්තයි. හානිකර බලපෑම් අවමයි,” ඔහු තවදුරටත් පැවසීය.
ඔහුට අනුව, දුර්වල ප්‍රතිශක්තියක් ඇති වයස අවුරුදු 65ට වැඩි රෝගීන්ට ඉන් වැඩි අවදානමක් ඇති අතර ප්‍රවේශම් විය යුතුය.
“ශ්‍රී ලංකාවේ මරණ දෙකක් සිදුවී තිබෙනවා. දෙදෙනාම සංකූලතා ඇති රෝගීන්. ඒ හැරුණු විට, අනවශ්‍ය භීතියක් ඇතිකර ගන්න අවශ්‍ය නැහැ, මන්ද මේ මොහොතේ අප බරපතළ තත්වයකට මුහුණ දී නැති නිසා. නමුත් අවදානමට ලක්විය හැකි කණ්ඩායම් ප්‍රවේශම් විය යුතුය.”යනුවෙන් ඔහු සඳහන් කළේය.
