තම පුත්‍රයා වන මොහොමඩ් ඉෂාම් ජමාල්ඩීන් අත්අඩංගුවට ගැනීම මගහැර නොමැති බවත් හෙට පොලිසියට ඉදිරිපත් වන බවත් ඌව පළාත් ආණ්ඩුකාර ඒ.ජේ.එම්. මුසම්මිල් පැවසුවේය.

“මගේ පුතා සැඟවී නැහැ. අඟහරුවාදා හෝ ඊට පෙර පෙනී සිටින බව ඔහු පොලිසියට දන්වා තිබෙනවා. ඔහු සැඟවී සිටින කතාව සත්‍යයෙන් බොහෝ දුරස් බව පොලිසියත් පිළිගෙන තිබෙනවා,” යැයි මුසම්මිල් පැවසීය.

හැව්ලොක් ටවුන් මහල් නිවාස සංකීර්ණයේදී තරුණියකට පහරදීමේ සිද්ධියක් සම්බන්ධයෙන් මොහොමඩ් ඉෂාම් ජමාල්ඩීන් අත්අඩංගුවට ගැනීමට පොලිසිය විමර්ශනයක් ආරම්භ කළේය.

ජමාල්ඩීන් විසින් සෙනසුරාදා අලුයම මෙම කාන්තාවට පහර දී ඇති අතර, තුවාල ලැබූ ඇය පෞද්ගලික රෝහලකට ඇතුළත් කර ඇති බව පොලිසිය සඳහන් කළේය.