ඉලංකෙයි තමිල් අරසු කච්චි (ITAK) අපේක්ෂක සිවම් පක්කියනාදන් මඩකලපුව මහ නගර සභාවේ නගරාධිපති ධුරයට තේරී පත් වූ බව මඩකලපුව දිස්ත්‍රික් පාර්ලිමේන්තු මන්ත්‍රී ශානකියන් රාසමානික්කම් අද පැවසීය.

‘X’ සමාජ මාධ්‍ය වේදිකාවේ සටහනක් තබමින් පාර්ලිමේන්තු මන්ත්‍රී ශානකියන් පැවසුවේ සමගි ජන බලවේග සාමාජිකයන්ගේ සහාය ඇතිව සිවම් පක්කියනාදන් තේරී පත් වූ බවයි.

“ජාතික ජන බලවේග රජය තම අපේක්ෂකයාට සහයෝගය ලබා ගැනීම සඳහා විවිධ සාම්ප්‍රදායක නොවන උපක්‍රම භාවිත කළ බව වාර්තා වන අතර, හිටපු මන්ත්‍රී පිල්ලයාන්ගේ දෙමළ මක්කල් විඩුතලෙයි පුලිකල් (TMVP) සමඟ සන්ධානයක් ඇති කර ගැනීමට පවා ගියා,”යනුවෙන් ඔහු පැවසීය.

සිවනේසතුරෙයි චන්ද්‍රකාන්තන් නොහොත් පිල්ලයාන් බරපතළ චෝදනා කිහිපයක් සම්බන්ධයෙන් අත්අඩංගුවේ පසුවන බැවින්, බලය හඹා යෑම සඳහා එවැනි පුද්ගලයකු සමඟ සන්ධානගත වීමට රජය දක්වන කැමැත්ත බරපතළ ගැටලු මතු කර ඇති බව පාර්ලිමේන්තු මන්ත්‍රී ශානකියන් පෙන්වා දුන්නේය.