ඉන්දියාවේ පිප්‍රහ්වා විහාරයෙන් හමුවූ පූජනීය වස්තු සොතෙබි වෙන්දේසිකරුවන් හරහා වෙන්දේසි කිරීමට උත්සාහ කරන පවුලේ අය සම්බන්ධ කර ගැනීමටත් එය නැවැත්වීමටත් බලාපොරොත්තු වන බව වස්කඩුවේ ශ්‍රී සුභූති විහාරයේ හාරාධිපති පූජ්‍ය වස්කඩුවේ මහින්දවංශ මහා නාහිමියෝ පවසති.

වෙන්දේසිය ගැන දැනගත් වහාම ඉන්දීය අගමැති නරේන්ද්‍ර මෝදිට මෙන්ම ඉන්දියාවේ පුරාවිද්‍යා දෙපාර්තමේන්තුවට ලිපියක් යොමු කළ බව උන්වහන්සේ සඳහන් කළේය.

ඒ අනුව මැයි 7 වැනි දිනට නියමිතව තිබූ වෙන්දේසිය අත්හිටුවීමට සඳහා ගත් කඩිනම් ක්‍රියාමාර්ගය සම්බන්ධයෙන් උන්වහන්සේ ඉන්දීය බලධාරීන්ට ස්තූති කර තිබේ.

ලුම්බිණියට දකුණින් සහ කුසිනාරා සිට කිලෝමීටර් 160ක් දුරින් බුදුන් වහන්සේ පරිනිර්වාණයට පත් වූ පිප්‍රහ්වා හි කැණීම් අතරතුර 1898 දී බ්‍රිතාන්‍ය නිලධාරියකු වන විලියම් පෙපේ විසින් මෙම පූජනීය වස්තු සොයා ගන්නා ලදී.

බුදුන් වහන්සේගේ ශාරීරික ධාතු සමඟ හමු වූ මැණික් වෙන්දේසි කිරීම පිළිගත නොහැකි බවත්, ධාතු වෙළඳ භාණ්ඩයක් බවට පත්කිරීම නැවැත්වීමට සියලු පියවර ගත යුතු බවත් පූජ්‍ය මහින්දවංශ හිමියෝ පැවසූහ.

ධාතු කරඬුවේ ලියා තිබූ මෞර්ය බ්‍රාහ්මී / පාලි අක්ෂර පරිවර්තනය කිරීමට පුරාවිද්‍යා කණ්ඩායමට සහ පෙප්පේට සහාය වීම වෙනුවෙන් කෘතඥතාව පළ කිරීමේ සංකේතයක් ලෙස වස්කඩුවේ විහාරස්ථානයේ අපවත් වී වදාළ අතිපූජ්‍ය ශ්‍රී සුභූති මහානායක හිමියන්ට ධාතුවලින් කොටසක් පරිත්‍යාග කෙරුණු අතර දැනට ද එම විහාරස්ථානයේ එම ධාතු තැන්පත් කර තිබේ.

හමුවූ වස්තුන්ගෙන් සමහර අයිතම පෙප්පේ විසින් තබාගෙන ඔහුගේ මුතුන් මිත්තන්ට ලබා දී ඇත.

මෙම ස්ථූපයෙන් ලබාගත් ධාතුවලින් කොටසක් තායිලන්ත රජු වෙත යවන ලද අතර තවත් කොටසක් බුරුම රජු වෙත යවන ලදී.

පිප්‍රහ්වා ධාතු වෙන්දේසිය ප්‍රසිද්ධ කළ සොතෙබිගේ හොංකොං වෙබ් පිටුව ඉන්දියාවේ සහ තවත් බෞද්ධ රටවල් කිහිපයක විරෝධතාවලින් පසුව එය ඉවත් කර ඇත.