ස්ථාවර නියෝග 27(2) යටතේ මතු කරන ලද ප්‍රශ්න සම්බන්ධයෙන් දැඩි ක්‍රියාමාර්ග ගන්නා බව කථානායක ජගත් වික්‍රමරත්න අද නිවේදනය කළේය.

“විපක්ෂ නායකවරයා සහ පක්ෂ නායකයින් විසින් මෑතකදී මතු කරන ලද සමහර ප්‍රශ්න වාචික ප්‍රශ්න හෝ කල් තැබීමේ අවස්ථාවේදී ප්‍රශ්න ආකාරයෙන් මතු කළ හැකියි. එසේම, පක්ෂ නායකයින් මෑතකදී අමතර ප්‍රශ්න මතුකිරීමෙන් ස්ථාවර නියෝග උල්ලංඝනය කර තිබෙනවා. එබැවින්, ස්ථාවර නියෝග 27(2) යටතේ ඇති ප්‍රශ්න ස්ථාවර නියෝගවලට දැඩි ලෙස අනුගත විය යුතුයි” කථානායකවරයා පැවසීය.