December 14, 2025
ශ්රී ලංකා ක්රිකට් තේරීම් කමිටු හිටපු සභාපති ප්රමෝද්ය වික්රමසිංහ නැවත එම තනතුරට පත්වීමට ඉඩ ඇති අතර, ඉදිරි දිනවලදී ක්රීඩා අමාත්යවරයා විසින් පස්දෙනෙකුගෙන් යුත් නව ජාතික තේරීම් කමිටුවක් පත්කිරීමට නියමිත බව ජනමාධ්ය වාර්තා සඳහන් කරයි.
2021 අප්රේල් මාසයේදී ප්රථමවරට එම ධුරයට පත් වූ ප්රමෝද්ය වික්රමසිංහ මහතා, 2023 ICC ක්රිකට් ලෝක කුසලානයේදී ශ්රී ලංකාව ලැබූ බලාපොරොත්තු සුන්වීමෙන් පසුව තනතුරින් ඉවත් කරන ලදී.
කෙසේවෙතත්, ශ්රී ලංකාවඅන්තර්ජාතික ක්රිකට් ක්රීඩාවේ තවත් තීරණාත්මක අවධියකට පිවිසෙත්ම, රටේ තේරීම් ක්රියාවලියට නායකත්වය දීම සඳහා ඔහුගේ නම නැවතත් මතුවී ඇති බව වාර්තා පවසයි.
සන්ඩේ ටයිම්ස් පුවත්පතට අනුව, ක්රීඩා අමාත්ය සුනිල් කුමාර මෙම සතිය මුලදී ප්රමෝද්ය වික්රමසිංහ, ශ්රී ලංකා ක්රිකට් සභාපති ෂම්මි සිල්වා සහ ලේකම් බන්දුල දිසානායක සමඟ විශේෂ සාකච්ඡාවක් පවත්වා ඇත.
මෙම රැස්වීමේදී ප්රමෝද්ය වික්රමසිංහ මහතා නැවත පත්කිරීමේ හැකියාව සහ උපුල් තරංගගේ ප්රධානත්වයෙන් යුත් කමිටුව ප්රතිස්ථාපනය කරන නව තේරීම් කමිටුවේ යෝජිත සංයුතිය පිළිබඳව අවධානය යොමුව ඇත.
පස්දෙනෙකුගෙන් යුත් නව කමිටුවේ සාමාජිකයන් ලෙස හේමන්ත වික්රමරත්න, විනෝදන් ජෝන්, ඉන්දික ද සේරම් සහ තරංග පරණවිතාන යන අයගේ නම් සාකච්ඡා කළ බව වාර්තාවේ සඳහන් වේ.
ඉන්දික ද සේරම් සහ පරණවිතාන යන දෙදෙනාම තරංගගේ නායකත්වයෙන් යුත් තේරීම් කමිටුවේ සේවය කළ අතර, ඔහුගේ වසර දෙකක සේවා කාලය පසුගිය සතියේ අවසන් විය.
ක්රීඩා අමාත්යාංශය මේ සම්බන්ධයෙන් තවමත් නිල වශයෙන් අදහස් දක්වා නොමැත.
42.31%
