May 20, 2025
පොලිස්පති දේශබන්දු තෙන්නකෝන්ගේ නීතිඥ සංජීව වීරවික්‍රම ඊයේ දින තම සේවාදායකයාට එරෙහිව එල්ල වී ඇති චෝදනා විමර්ශනය කරන විමර්ශන කමිටුවට දැනුම්දී ඇතැයි පැවැසෙන්නේ, ඔහුට එරෙහිව සිදුකෙරෙන මෙම චෝදනා නැගීම් පිටුපස සිටින්නේ කවුරුන්ද යන්න හෙළිකරන බවයි.
“මගේ සේවාදායකයා වන දේශබන්දු තෙන්නකෝන් ඉවත් කිරීම පිටුපස සිටින්නේ කවුරුන්ද සහ මෙම කටයුත්ත සඳහා ඔහුව පොළඹවන්නේ කවුරුන්ද යන්න මම හෙළිකරනවා” යැයි නීතිඥ වීරවික්‍රම පවසා ඇතැයි වාර්තා වේ.
නීතිඥ වීරවික්‍රම විසින්, අතිරේක සොලිසිටර් ජෙනරාල් දිලීප පීරිස් සාක්ෂි සඟවා ඇති බවටද චෝදනා කර ඇතැයි පැවැසේ.
“අපගේ විරෝධතා ඉදිරිපත් කිරීමට පෙර සාක්ෂි අධ්‍යයනය කළ යුතුයි,” ඔහු සඳහන් කර ඇත.
මේ අතර, නීතිඥ වීරවික්‍රම විසින් ගොනුකරන ලද මූලික විරෝධතා තුනක් විමර්ශන කමිටුව ප්‍රතික්ෂේප කර තිබේ.
ස්ථාවර නියෝග 92(F) යටතේ කමිටුවට පරීක්ෂණය ඉදිරියට ගෙන යා නොහැකි බවට වූ විරෝධතාව, මෙම විධිවිධානය පාර්ලිමේන්තු මන්ත්‍රීවරුන්ට පමණක් අදාළ වන බව යන පදනම මත ප්‍රතික්ෂේප කර ඇත.
අධිකරණය විසින් නිකුත් කරන ලද තහනම් නියෝගයක් හේතුවෙන් දේශබන්දු තෙන්නකෝන් පොලිස්පතිවරයා ලෙස සැළකිය නොහැකි බවට වූ විරෝධතාව ද ප්‍රතික්ෂේප කර තිබේ. මන්ද වගඋත්තරකරුට පොලිස්පතිවරයාට හිමි වරප්‍රසාද දිගටම ලැබෙන බැවිනි.
“කටයුතු නිරීක්ෂණය කිරීම සඳහා කිසිවෙකු ගෙන්වාගැනීමට කමිටුවට බලයක් නැත.ජනමාධ්‍යයට අප විසින් ආරාධනා කර නැත,” යැයි කමිටු සභාපති ප්‍රීති පද්මන් සූරසේන පවසා තිබේ.
අතිරේක සොලිසිටර් ජනරාල්වරයාගේ පැමිණීම සම්බන්ධයෙන්ද ඉදිරිපත් කළ විරෝධතාවක් ද ප්‍රතික්ෂේප කර ඇති අතර, සභාපතිවරයා ප්‍රකාශ කර ඇත්තේ, කමිටුවට සහායවීම සඳහා නීතිපතිවරයා විසින් ඔහු පත්කර ඇති බවයි.
“අතිරේක සොලිසිටර් ජනරාල්වරයාට කමිටුව සමඟ කිසිදු සම්බන්ධයක් නැහැ” විනිසුරු සූරසේන පවසා ඇත.
42.31%
