May 21, 2025
හිටපු ක්‍රීඩා අමාත්‍ය රොෂාන් රණසිංහ විසින් ශ්‍රී ලංකා ක්‍රිකට් ආයතනයේ සභාපති ෂම්මි සිල්වා සහ එහි ලේකම්වරයාට එරෙහිව අපහාසාත්මක ප්‍රකාශ නිකුත් කිරීම වළක්වාලමින් කොළඹ දිස්ත්‍රික් අධිකරණය වාරණ නියෝගයක් නිකුත් කළේය.
මෙම නියෝගය ජුනි 3 වන දින දක්වා බලපැවැත්වෙනු ඇත.
ශ්‍රී ලංකා ක්‍රිකට් සභාපති ෂම්මි සිල්වා සහ සංවිධානයේ ලේකම්වරයා විසින් ගොනුකරන ලද පැමිණිල්ලක් අනුව දිස්ත්‍රික් අධිකරණ විනිසුරු සඳුන් විතාන මෙම නියෝගය නිකුත් කළේය.
ශ්‍රී ලංකා ක්‍රිකට් අරමුදල් අනිසි ලෙස භාවිත කිරීම සම්බන්ධයෙන් 2025 මැයි 5 වැනි දින කඩුවෙල දිස්ත්‍රික් අධිකරණ පරිශ්‍රයේදී හිටපු අමාත්‍යවරයා ජනමාධ්‍යයට අසත්‍ය ප්‍රකාශයක් කළ බවට පැමිණිලිකරුවෝ චෝදනා කළහ.
නීතිඥ සංජය ෆොන්සේකාගේ උපදෙස් මත ජනාධිපති නීතිඥ චන්දක ජයසුන්දර පැමිණිලිකරුවන් වෙනුවෙන් පෙනීසිටියේය.
