16 වැනි ජාතික රණවිරු දින සැමරුමේ කොටසක් ලෙස, ත්‍රිවිධ හමුදාවේ නිලධාරීන් සහ අනෙකුත් නිලයන් සඳහා උසස්වීම් ප්‍රදානය කර ඇත.

ආරක්ෂක අමාත්‍යාංශය ප්‍රකාශ කළේ, මෙම උසස්වීම් අද (19) සිට ක්‍රියාත්මක වන බවයි.

ඒ අනුව, ශ්‍රී ලංකා නාවික හමුදාවේ නිලධාරීන් 22 දෙනකු සහ අනෙකුත් නිලයන් 1,256 දෙනකු උසස් කර ඇත.

මීට අමතරව, ශ්‍රී ලංකා ගුවන් හමුදාව වාර්තා කළේ නිලධාරීන් 12 දෙනකු සහ අනෙකුත් නිලයන් 848 දෙනකු උසස් කර ඇති බවයි.

16 වන ජාතික රණවිරු දින සැමරුමට සමගාමීව අනෙකුත් නිලයන් 10,093 දෙනකු උසස් කර ඇති බව ද ශ්‍රී ලංකා යුද හමුදාව නිවේදනය කළේය.