December 15, 2024
මෙරට ජනවර්ග කිහිපයක ජනතාවගේ පූජනීයත්වයට පාත්‍ර වූ පුදබිමක් වන සීනිගම මහා දේවාලය සමීපයේ පිහිටි තවත් දේවාලයක් වන්නේ දියඹ දෙවොල් දේවාලයයි.
මෙම ස්ථානය අධ්‍යාත්මික ආශිර්වාද අපේක්ෂා කරන බැතිමතුන් විශාල සංඛ්‍යාවක් ඇද ගනී.
සීනිගම මහා දේවාලය වැඳපුදා ගැනීමට පැමිණෙන බැතිමතුන් බොහෝවිට ඒ අසල පිහිටි දෙවොල් දේවාලයට ද යනු දැකිය හැකිය.
කෙසේවෙතත්, ප්‍රධාන දේවාලයේ සිට මීටර් 400 කට වඩා දුරින් පිහිටි දෙවොල් දේවාලය වෙත යන ගමන අනතුරුදායක වන්නේ බැතිමතුන් බෝට්ටුවෙන් එළිමහනේ ගමන් කළ යුතු වීම සහ වෙනත් කිසිදු ආරක්ෂිත ක්‍රමයක් නොමැති බැවිනි.
ඓතිහාසික වශයෙන් සීනිගම මහා දේවාලයට සමීපව දෙවොල් දේවාලය පිහිටා තිබුණද කාලයත් සමඟ වෙරළ ඛාදනය හේතුවෙන් එය ක්‍රමයෙන් වෙනස් වී ඇත.
දෙවොල් දේවාලයට යන බැතිමතුන් ගාස්තුවක් ගෙවා බෝට්ටු සේවා ලබාගෙන එමඟින් ඔවුන් ගමනාන්තයට ජලය හරහා ගෙන ගොස් ආපසු එනු ලැබේ.
වන්දනාකරුවන් ප්‍රවාහනය කිරීම සඳහා වගකිව යුතු බෝට්ටු ක්‍රියාකරුවන් මගීන්ගේ ආරක්ෂාව ගැන එතරම් සැළකිල්ලක් දක්වන බවක් පෙනෙන්නට නැත.
බෝට්ටුවල ජීවිතාරක්ෂක කබා වැනි සංචාරකයන් අනතුරුවලින් ආරක්ෂා කරන මූලික ආරක්ෂක පියවර පවා නොමැත.
ආරක්ෂාව සහතික කිරීම සඳහා වගකිව යුතු බලධාරීන් නිහඩව සිටින්නේ ආගමික සංවේදිතාවන් රිදවීමට ඇති සැළකිල්ල නිසා විය හැකිය.
අමුත්තන් ද තමන් මුහුණ දෙන අන්තරාය ගැන නොසැළකිලිමත් බවක් පෙනෙන්නට තිබේ.
එහෙත් අනාගතයේදී ඛේදවාචකයක් සිදුවිය හැකි බවට බරපතළ කණස්සල්ල බැහැර කළ නොහැකිය.
