සම්බාහන මධ්‍යස්ථානයක් මුවාවෙන් ගණිකා නිවාසයක් ලෙස පවත්වාගෙන ගිය බව කියන ස්ථානයක් වැටලීමකදී පෑලියගොඩ පොලිසිය සමත්ව තිබේ.

එහිදී කාන්තාවන් තිදෙනෙකු අත්අඩංගුවට ගත් බව පොලිසිය පැවසීය.

තොරණ හන්දිය ප්‍රදේශයේදී පෑලියගොඩ පොලිස් ස්ථානයේ නිලධාරීන් විසින් ඊයේ (25) සවස මෙම වැටලීම සිදු කරන ලදී.

එහිදී ගණිකා වෘත්තියේ යෙදීම සහ කළමනාකරණය කිරීම සම්බන්ධයෙන් සැකපිට සැකකරුවන් අත්අඩංගුවට ගත් බව පොලිසිය පැවසීය.

පොලිසියට අනුව, වයස අවුරුදු 21, 36 සහ 47 ක් වන මෙම කාන්තාවන් වත්තල, රොසැල්ල සහ බොගවන්තලාව යන ප්‍රදේශවල පදිංචිකරුවන් වේ.

වැඩිදුර පරීක්ෂණ ක්‍රියාත්මක බව පොලිසිය පැවසීය.