මඩකලපුව දිස්ත්‍රික් පාර්ලිමේන්තු මන්ත්‍රී ශානිකියන් රාසමානික්කම් මහතා අද (05) පළාත් සභා මැතිවරණ පනතට සංශෝධන යෝජනා කරමින් පෞද්ගලික මන්ත්‍රී පනත් කෙටුම්පතක් පාර්ලිමේන්තුවට ඉදිරිපත් කර ඇත.

‘සිය X’ ගිණුමේ මේ පිළිබඳ සටහනක් තබමින්, පාර්ලිමේන්තු මන්ත්‍රී ශානිකියන් රාසමානික්කම් පැවසුවේ, පනත් කෙටුම්පත පළමුවර කියවීම සඳහා ගෙන ඇති බවත්, එය බලාත්මක වුවහොත්, පළාත් සභා මැතිවරණ කැඳවීමට මැතිවරණ කොමිසමට බලය ලබාදෙන බවත්ය.

ජනාධිපතිවරයා, අගමැතිවරයා සහ ආණ්ඩුවේ අනෙකුත් සාමාජිකයන් 2025 අග භාගයේදී හෝ 2026 මුල් භාගයේදී මෙම මැතිවරණ පැවැත්වීමට ඇති ඔවුන්ගේ කැපවීම පිළිබඳව නැවත නැවතත් තහවුරු කර ඇතැයි ඔහු තවදුරටත් පවසයි.

මෙම පනත් කෙටුම්පත කඩිනමින් සම්මත කරගැනීම සඳහා මෙන්ම ජනතාවට දුන් පොරොන්දුව ඉටුකිරීම සඳහා පූර්ණ සහයෝගය ලබාදීමෙන්, රජයට තම කැපවීම පෙන්නුම් කිරීමට දැන් අවස්ථාව ඇති බව පාර්ලිමේන්තු මන්ත්‍රීවරයා අවධාරණය කරයි.