හෝමාගම ප්‍රදේශයේදී ව්‍යාජ පිස්තෝලයක් සහ මත්ද්‍රව්‍ය සමඟ මාධව ප්‍රසාද් නම් රැප් ගායකයා අත්අඩංගුවට ගෙන ඇති බව පොලිසිය පවසයි.

ගිනි අවියක් ළඟ තබාගෙන පුද්ගලයින් හයදෙනෙකු මත්ද්‍රව්‍ය පානය කරන ආකාරය දැක්වෙන වීඩියෝවක් ෆේස්බුක් හි සංසරණය වීමෙන් පසුව කරන ලද විමර්ශනයකින් පසුව මෙම අත්අඩංගුවට ගැනීම සිදුකර ඇත.

හෝමාගම නිවාස සංකීර්ණයකදී 26 හැවිරිදි සැකකරු පොලිසිය විසින් අත්අඩංගුවට ගෙන තිබේ.

සැකකරුගෙන් ප්‍රශ්න කිරීමේදී ඔහුගේ අනුගාමිකයින් වැඩිකර ගැනීම සඳහා වීඩියෝව අන්තර්ජාලයට මුදාහැර ඇති බව පිළිගත් බව නිලධාරීන් පවසයි.

ඔහු සතුව තිබී ස්ඵටික මෙතම්ෆෙටමින් (අයිස්) මිලිග්‍රෑම් 20 ක් සහ හෂිෂ් ග්‍රෑම් 35 ක් අත්අඩංගුවට ගෙන තිබේ.

ඔහු කැස්බෑව මහේස්ත්‍රාත් අධිකරණයට ඉදිරිපත් කිරීමට නියමිතව තිබිණි.