2026 ජනවාරි 19 සිට 23 දක්වා ස්විට්සර්ලන්තයේ ඩාවොස්-ක්ලෝස්ටර්ස් හි පැවැත්වෙන ලෝක ආර්ථික සංසදයේ (WEF) 56 වැනි වාර්ෂික රැස්වීමට සහභාගී වීම සඳහා අගමැතිනි ආචාර්ය හරිනි අමරසූරිය ජනවාරි 19 වැනි දින උදෑසන ශ්‍රී ලංකාවෙන් පිටත්ව ගියාය.

2026 ලෝක ආර්ථික සංසදය “සංවාදයේ ආත්මයක්” යන තේමාව යටතේ කැඳවනු ලබන අතර, රාජ්‍ය නායකයන්, ප්‍රමුඛ බහුජාතික සමාගම්වල ප්‍රධාන විධායක නිලධාරීන්, ප්‍රතිපත්ති සම්පාදකයන් සහ තාක්ෂණ නවෝත්පාදකයන් ඇතුළු ගෝලීය නායකයන් 3,000 කට අධික සංඛ්‍යාවක් එක්රැස් කරනු ඇත.

මෙම සංචාරය අතරතුර, අග්‍රාමාත්‍යවරිය ප්‍රධාන අන්තර්ජාතික නායකයන්, ගෝලීය ආයතනවල ප්‍රධානීන් සහ අනෙකුත් කීර්තිමත් සම්භාවනීය අමුත්තන් සමඟ ඉහළ මට්ටමේ ද්විපාර්ශ්වික රැස්වීම් මාලාවක් පැවැත්වීමට නියමිතය.