ශ්‍රී ලංකා රක්ෂණ නියාමන කොමිෂන් සභාවේ නියාමන අනුමැතිය ලැබීමෙන් පසු, සොෆ්ට්ලොජික් ලයිෆ් ඉන්ෂුවරන්ස් විසින් අලියාන්ස් ලයිෆ් ඉන්ෂුවරන්ස් ලංකා ලිමිටඩ් (ලයිෆ් බිස්නස්) හි 100%ක කොටස් අත්පත් කරගැනීම සාර්ථකව අවසන් කර තිබේ.

මෙම ගනුදෙනුව සැළකිව යුතු සන්ධිස්ථානයක් සනිටුහන් කරයි.

සොෆ්ට්ලොජික් ලයිෆ් 2024 දෙසැම්බර් වන විට රුපියල් බිලියන 31,574ක දළ ලිඛිත වාරික (GWP) වාර්තා කර, 17.2%ක වෙළඳපොළ කොටසකින් යුක්ත වූ අතර 2025 පළමු කාර්තුවේදී 25%ක වර්ධනයක් සමඟ ශක්තිමත් ස්වරය දිගටම කරගෙන ගියේය.

ශ්‍රී ලංකාවේ දෙවැනි විශාලතම ජීවිත රක්ෂණ සමාගම ලෙස සොෆ්ට්ලොජික් ලයිෆ්, මිලියන 1.3කට අධික ජීවිත ආරක්ෂා කරමින්, මෙම උපායමාර්ගික අත්පත් කර ගැනීම මඟින් සමාගමට තම පියසටහන පුළුල් කිරීමට, වෙළඳපොළ තත්ත්වය ශක්තිමත් කිරීමට සහ තම ඔප්පු හිමියන්ට අසමසම වටිනාකමක් ලබා දීමට හැකියාව ලැබේ.

අත්පත් කර ගැනීම අවසන් වීමෙන් පසු, අලියාන්ස් ලයිෆ් ඉන්ෂුවරන්ස් ලංකා ලිමිටඩ්, සොෆ්ට්ලොජික් ලයිෆ් ඉන්ෂුවරන්ස් හි පූර්ණ හිමිකාරීත්වය සහිත අනුබද්ධිත ආයතනයක් බවට පත්වන අතර කඩිනමින් එහි නම වෙනස් කර සොෆ්ට්ලොජික් ලයිෆ් හි අනුබද්ධිත ආයතනයක් වන එස්එල් ඉන්ෂුවරන්ස් ලංකා ලිමිටඩ් ලෙස ක්‍රියාත්මක වනු ඇත.

අත්පත් කර ගැනීම පිළිබඳ අදහස් දක්වමින් සොෆ්ට්ලොජික් ලයිෆ් සභාපති අශෝක් පතිරගේ පැවසුවේ, “ශ්‍රී ලාංකිකයන්ට අසමසම වටිනාකමක් ලබා දෙන ඔරොත්තු දෙන, අනාගතයට සූදානම් රක්ෂණ ව්‍යාපාරයක් ගොඩනැගීම සඳහා අපගේ දිගුකාලීන දැක්ම මෙම අත්පත් කර ගැනීම මගින් පිළිබිඹු වනවා. මෙම නව අනුබද්ධිත ආයතනය අපගේ එකතුවට සාදරයෙන් පිළිගන්නවා. නවෝත්පාදනය, මෙහෙයුම් විශිෂ්ටත්වය සහ පාරිභෝගික යහපැවැත්ම කෙරෙහි නොසැලෙන අවධානයක් යොමු කිරීම තුළින් කර්මාන්ත නායකත්වය මෙහෙයවීම සඳහා අපගේ කැපවීම අපි නැවත තහවුරු කරනවා”. යනුවෙනි.

සොෆ්ට්ලොජික් ලයිෆ් ශ්‍රී ලංකා රක්ෂණ කර්මාන්තයේ පරිවර්තනයට නිරන්තරයෙන් නායකත්වය දී ඇති අතර, පාරිභෝගික අත්දැකීම් වැඩිදියුණු කිරීම, මෙහෙයුම් විධිමත් කිරීම, බෙදා හැරීම වැඩිදියුණු කිරීම සහ අවදානම් කළමනාකරණය වැඩිදියුණු කිරීම සඳහා කෘත්‍රිම බුද්ධිය, දත්ත විශ්ලේෂණ සහ ස්වයංක්‍රීයකරණය භාවිත කිරීමේ පුරෝගාමී විය.

AI බලයෙන් ක්‍රියාත්මක වන ඇපකර සහ පුරෝකථන සෞඛ්‍ය විශ්ලේෂණවල සිට එක්දින හිමිකම් පියවීම් සහ සම්පූර්ණයෙන්ම ඩිජිටල්කරණය කරන ලද ඇතුළත් කිරීම් දක්වා, සමාගම එහි වටිනාකම් දාමය පුරා නවෝත්පාදනයන් ඇතුළත් කර ඇත.

ශක්තිමත් ප්‍රාග්ධන පදනමක්, විනයගරුක මූල්‍ය කළමනාකරණයක් සහ අසමසම වර්ධනයක වාර්තාවක් මගින් පිටුබලය ලබන සොෆ්ට්ලොජික් ලයිෆ්, තාක්ෂණික කඩිසරකම සහ මූල්‍යමය ඔරොත්තු දීමේ හැකියාව ඒකාබද්ධ කරමින්, රටේ අනාගතයට වඩාත්ම සූදානම් ජීවිත රක්ෂණ සමාගම ලෙස ස්ථානගත කරයි.

අලියාන්ස් ලයිෆ් ඉන්ෂුවරන්ස් ලංකා ලිමිටඩ් 2008 සිට අලියාන්ස් ලංකා හි කොටසක් වන අතර, දේශීය ජීවිත රක්ෂණ අංශයේ අලියාන්ස් සමූහයේ පැවැත්මට සැළකිව යුතු දායකත්වයක් සපයයි.

ශ්‍රී ලංකාවේ අලියාන්ස් හි සාමාන්‍ය රක්ෂණ ව්‍යාපාරය වන අලියාන්ස් ඉන්ෂුවරන්ස් ලංකා ලිමිටඩ්, ජර්මනියේ මියුනික් හි මූලස්ථානය ඇති ලොව ප්‍රමුඛතම රක්ෂණකරුවන්ගෙන් එකක් වන අලියාන්ස් එස්ඊ හි පූර්ණ අනුබද්ධිත ආයතනයක් ලෙස පවතී.

මෙම අත්පත් කර ගැනීම පිළිබඳව අදහස් දක්වමින්, අලියාන්ස් ඉන්ෂුවරන්ස් ලංකා ලිමිටඩ් හි ප්‍රධාන විධායක නිලධාරී සහ දේශීය කළමනාකරු ප්‍රශාන්ත් ග්‍රෝවර් පැවසුවේ ලයිෆ් ව්‍යාපාරය සාර්ථකව අත්පත් කර ගැනීම සම්බන්ධයෙන් සොෆ්ට්ලොජික් ලයිෆ්ස මාගමට සුබ පැතුම් පිරිනමන බවයි.

අලියාන්ස් ලංකා හි සාමාන්‍ය රක්ෂණ අංශය වන අලියාන්ස් ඉන්ෂුවරන්ස් ලංකා ලිමිටඩ්, ශ්‍රී ලංකා වෙළඳපොළ සඳහා සම්පූර්ණයෙන්ම කැපවී සිටී.

රට තුළ වසර 20කට වැඩි පළපුරුද්දක් ඇති අලියාන්ස් ලංකා, සිය ගනුදෙනුකරුවන්ට ලෝක මට්ටමේ රක්ෂණ විසඳුම් ලබා දීමේදී විශ්වාසය, නවෝත්පාදනය සහ ඔරොත්තු දීමේ හැකියාව මත අඛණ්ඩව ගොඩනැගී ඇත.