පසුගිය රජය සමයේ භාණ්ඩාගාරය විසින් අත්පත් කරගත් ලංකා ඛනිජ තෙල් සංස්ථාවේ (CPC) මුළු ණය ගෙවීමෙන් පසු ඉන්ධන සඳහා වන රුපියල් 50ක බද්ද රජය ඉවත් කරන බව විදුලිබල හා බලශක්ති අමාත්‍ය කුමාර ජයකොඩි අද පැවසීය.

භාණ්ඩාගාරය විසින් අත්පත් කරගත් රුපියල් බිලියන 884ක මුළු ණයෙන් අඩක් මේ වන විට ගෙවා ඇති බව ඔහු පාර්ලිමේන්තුවට පැවසීය.

සමගි ජන බලවේගයේ පාර්ලිමේන්තු මන්ත්‍රී දයාසිරි ජයසේකර ඇසූ ප්‍රශ්නයකට පිළිතුරු දෙමින් අමාත්‍යවරයා පැවසුවේ භාණ්ඩාගාරය ඛනිජ තෙල් සංස්ථාවේ රුපියල් බිලියන 884ක ණය ලබාගෙන ඇති බවත් ණය ගෙවීම සඳහා ඉන්ධන ලීටරයකට රුපියල් 50ක බද්දක් පැනවූ බවත්ය.

“ණයෙන් අඩක් මේ වන විට ගෙවා තිබෙනවා. ණය සම්පූර්ණයෙන්ම ගෙවීමෙන් පසු ඉන්ධන සඳහා වන රුපියල් 50ක බද්ද ඉවත් කිරීම ගැන අපි සළකා බලනවා,” යැයි ඔහු පැවසීය.