February 23, 2024
විද්‍යාඥයන් විසින් මීට පෙර ලේඛනගත නොකළ යෝධ ඇනකොන්ඩා විශේෂයක් ඇමසන් වනාන්තරයෙන් සොයාගෙන ඇත.
මෙම සර්පයාට මීටර් 7.5 ක් දක්වා වර්ධනය විය හැකි අතර, බර කිලෝග්‍රෑම් 500 කට ආසන්න වන බවත්, සත්වයා ලොව මෙතෙක් දන්නා විශාලතම හා බරම සර්පයා බවට හඳුනාගෙන ඇතැයි සත්ව විද්‍යාඥයෝ පවසති.
මෙතෙක් ලෝකය ඇනකොන්ඩා විශේෂ හතරක් දැන සිටි අතර, මෙම විශාලතම වර්ගය වන හරිත ඇනකොන්ඩා ඇමසන්, ඔරිනොකෝ සහ එසෙකිබෝ ගංගා ද්‍රෝණි වැනි දකුණු ඇමරිකාවේ නිවර්තන කලාපවල මෙන්ම කුඩා ජල පෝෂක ප්‍රදේශවල වාසය කරයි.
ආදිවාසී වෝරානි ජනතාව සමඟ වැඩකරන පර්යේෂකයන් විසින් ඉක්වදෝරියානු ඇමේසන්හි බයිහුආරි වෝරානි ප්‍රදේශයෙන් සහ බමෙනෝ ප්‍රදේශයෙන් අලුතින් නම් කරන ලද උතුරු හරිත ඇනකොන්ඩා (යුනෙක්ටෙස් අකායිමා) නිදර්ශක කිහිපයක් අල්ලාගෙන අධ්‍යයනය කරන ලදී.
හොලිවුඩ් නළු විල් ස්මිත් සමඟ නැෂනල් ජියෝග්‍රැෆික් හි ඩිස්නි + කතා මාලාවේ වැඩසටහනක් රූගත කරමින් සිටි කණ්ඩායමට මුලින්ම මෙම සර්ප විශේෂය හමුවී තිබේ.
පර්යේෂකයන්ට අනුව, මෙම සොයාගැනීම ඇනකොන්ඩා සංරක්ෂණය සඳහා අත්‍යවශ්‍ය වන අතර, මෙම සත්වයන් උච්ච විලෝපිකයන් වන අතර ඔවුන් පරිසර පද්ධතිවල සමතුලිතතාවය පවත්වා ගැනීමට අත්‍යවශ්‍ය වේ.
42.31%
