May 22, 2025
ශ්‍රී ලංකා ක්‍රිකට් කණ්ඩායමේ හිටපු නායක මහේල ජයවර්ධන, තම නම සහ ඡායාරූපය අනිසි ලෙස භාවිත කරමින් කෘත්‍රිම බුද්ධිය භාවිතයෙන් නිර්මාණය කරන ලද ව්‍යාජ වෙළඳ දැන්වීම් පිළිබඳව ජනතාවට අනතුරු අඟවා තිබේ.
සිය සමාජ මාධ්‍ය ගිණුම හරහා බෙදාගත් පණිවිඩයක, ඔහු සඳහන් කර ඇත්තේ, සිය සැබෑ සන්නාම හවුල්කාරිත්වයන් ඔහුගේ නිල පිටු හරහා පමණක් ප්‍රකාශයට පත්කරන බවයි.
ඔහු තවදුරටත් මෙසේ පවසයි “මම එවන්නකට සම්බන්ධ නැහැ, ඒ නිසා මෙම ව්‍යාජ දැන්වීම් කෙරෙහි අවධානය යොමුනොකරන්න!”
මෙම අනතුරු ඇඟවීම පැමිණෙන්නේ, ජනප්‍රිය චරිත භාවිත කරමින් කෘත්‍රිම බුද්ධියෙන් සාදන ලද ව්‍යාජ වෙළඳ දැන්වීම් අන්තර්ජාලයේ ඔවුන්ගේ අවසරයකින් තොරව ප්‍රචාරය කෙරෙන පසුබිමකය.
ලොව පුරා බොහෝ ප්‍රසිද්ධ පුද්ගලයන් මෑතකදී ඔවුන්ගේ නම් සහ පින්තූර ව්‍යාජ දැන්වීම්වල භාවිත කිරීම සම්බන්ධයෙන් විරෝධය පළකර ඇත.
එවැනි දැන්වීම් විශ්වාස කිරීමට හෝ බෙදාගැනීමට පෙර ප්‍රවේශම් වන ලෙසත් නිල මූලාශ්‍ර පරීක්ෂා කරන ලෙසත් ජනතාවට උපදෙස් දෙනු ලැබේ.
