January 6, 2026
හයවැනි ශ්රේණියේ විෂය මාලාවේ තිබූ බරපතළ දෝෂයට වගකිව යුතු බවට චෝදනා කරමින් අගමැතිනි හරිනි අමරසූරිය අධ්යාපන අමාත්ය ධුරයෙන් ඉල්ලා අස්විය යුතු බව ඒකාබද්ධ විපක්ෂය ඊයේ ඉල්ලා සිටියේය.
මහජන සන්ධානය, පිවිතුරු හෙළ උරුමය, ශ්රී ලංකා මහජන පක්ෂය, එක්සත් ජාතික පක්ෂය (UNP), නව ජනතා පෙරමුණ සහ ශ්රී ලංකා පොදුජන පෙරමුණ නියෝජනය කරන හිටපු පාර්ලිමේන්තු මන්ත්රීවරුන් කිහිපදෙනෙකු විසින් මෙම ඉල්ලීම ඉදිරිපත් කරන ලදී.
පිවිතුරු හෙළ උරුමයේ නායක උදය ගම්මන්පිල, හිටපු මන්ත්රීවරුන් වන අනුර ප්රියදර්ශන යාපා, මහාචාර්ය ජී. එල්. පීරිස්, ඉන්දික අනුරුද්ධ, ප්රේම්නාත් දොලවත්ත, අසංක නවරත්න, සුගීෂ්වර බණ්ඩාර සහ එක්සත් ජාතික පක්ෂ භාණ්ඩාගාරික ෆර්ඩවුස් ෆාරුක් යන ප්රිස සහභාගී වූ මාධ්ය හමුවකදී මෙම ඉල්ලීම කෙරිණි.
මාධ්ය අමතමින් ගම්මන්පිල පැවසුවේ හයවැනි ශ්රේණියේ මොඩියුලය අග්රාමාත්යවරියගේ අනුදැනුම ඇතිව සකස් කර ඇති බවට ‘සාධාරණ සැකයක්’ පවතින බවයි.
“හයවැනි ශ්රේණියේ මොඩියුලය අග්රාමාත්යවරියගේ අනුදැනුම ඇතිව සකස්කර ඇති බවට සැකයක් තිබෙනවා. මෙම සැකය මතුවන්නේ අගමැති අමරසූරිය සමලිංගික අයිතිවාසිකම් ක්රියාකාරිනියක් වීම සහ සමලිංගික අයිතිවාසිකම් වෙනුවෙන් පෙනී සිටින රාජ්ය නොවන සංවිධානයක ප්රධානියා ලෙස කටයුතු කර තිබෙන නිසයි. එමනිසා මොඩියුලයේ ඇතුළත් කර ඇති දේ ඇය දැන සිටි බවට සැකකිරීම සාධාරණයි,” ඔහු පැවසීය.
ඒකාබද්ධ විපක්ෂයේ අනෙකුත් පක්ෂ ඔහුගේ ප්රකාශ අනුමත කරන්නේ දැයි විමසූ විට, ඒකාබද්ධ විපක්ෂයේ මහජන හඬ කණ්ඩායමේ සියලුම පක්ෂ එකම මතය දරන බව ගම්මන්පිල පැවසීය.
අපරාධ විමර්ශන දෙපාර්තමේන්තුව මෙම කාරණයට සම්බන්ධ කරගැනීමේ තීරණය පිළිබඳ හිටපු පාර්ලිමේන්තු මන්ත්රී අනුර ප්රියදර්ශන යාපා ප්රශ්න කළේය.
“අපරාධ විමර්ශන දෙපාර්තමේන්තුවේ මූලික කාර්යය වන්නේ අපරාධ විමර්ශනය කිරීමයි. අධ්යාපනයට අදාළ කරුණු ජාතික අධ්යාපන ආයතනයේ විෂය පථයට අයත් වෙන්නේ,” ඔහු පැවසුවේ හයවැනි ශ්රේණියේ විෂය නිර්දේශ ගැටළුව මෙන්ම ගුරුවරුන් දේශකවරුන් බවට පත්කිරීම සඳහා යෝජිත ප්රතිසංස්කරණ මගින් මාපියන් කලබලයට පත්ව ඇති බවයි.
ඔවුන් සඳහන් කරන පරිදි රජය විසින් යෝජනා කරන ලද නුසුදුසු අධ්යාපන ප්රතිසංස්කරණවලට විපක්ෂය විරුද්ධ වනු ඇතැයි හිටපු පාර්ලිමේන්තු මන්ත්රී ඉන්දික අනුරුද්ධ පැවසීය.
විපක්ෂ ක්රියාකාරික සුගීෂ්වර බණ්ඩාර පැවසුවේ ඔහුගේ හය ශ්රේණියේ ඉගෙනුම ලබන දියණිය සමලිංගිකත්වය යන වචනයේ තේරුම ගැන තමාගෙන් විමසූ බවයි.
“මම කම්පනයට පත් වුණා, ඒ වගේ ප්රශ්නයකට මා පිළිතුරු දෙන්න ඕනේ කොහොමද කියලා කල්පනා කළා,” ඔහු පැවසීය.
විෂය නිර්දේශ ගැටලුවට වගකිව යුතු අයට විනය ක්රියාමාර්ග ගන්නේදැයි හිටපු පාර්ලිමේන්තු මන්ත්රී ප්රේම්නාත් දොලවත්ත ප්රශ්න කළේය.
මහාචාර්ය ජී. එල්. පීරිස් මාධ්ය නිදහස මර්දනය කිරීම ලෙස ඔහු හැඳින් වූ කරුණු සම්බන්ධයෙන් ද කණස්සල්ල පළ කළේය.
රූපවාහිනී නාලිකාවක් විමර්ශනය කරන ලෙස විදුලි සංදේශ නියාමන කොමිසමෙන් ඉල්ලා සිටීමට මාධ්ය අමාත්යාංශය ගත් පියවරක් ගැන සඳහන් කරමින්, මාධ්ය බලපත්ර අවලංගු කිරීමට අමාත්යාංශයට කිසිදු බලයක් නොමැති බව ඔහු පැවසීය.
“බලපත්රයක් අවලංගු කිරීමේ බලය අධිකරණය සතුයි, එවැනි ක්රියාමාර්ග ගතහැක්කේ නිසි පරීක්ෂණයකින් පසුව පමණයි,” ඔහු පැවසීය.
