ඉන්දියාව සහ පාකිස්ථානය අතර ඇතිකරගත් සටන් විරාම ගිවිසුම අගය කරමින් ජනාධිපති අනුර කුමාර දිසානායක පණිවිඩයක් නිකුත්කර තිබේ.

පහතින් දැක්වෙන්නේ එම පණිවිඩයයි;

‘අගය කිරීමේ පණිවිඩය : ජනාධිපති අනුර කුමාර දිසානායක

ඉන්දියානු ජනරජය සහ පාකිස්ථාන ඉස්ලාමීය ජනරජය අතර ඇති කරගත් සටන් විරාම ගිවිසුමට මම මගේ හෘදයාංගම කෘතඥතාව පළකරන අතර එය උණුසුම් ලෙස පිළිගනිමි. ශ්‍රී ලංකා රජය සහ ජනතාව වෙනුවෙන්, සාමය සඳහා වූ මෙම වැදගත් පියවර මම අගය කරමි.

සතුරුකම් වහාම නැවැත්වීම දෙපාර්ශ්වයේම අහිංසක ජීවිත ආරක්ෂා කිරීම සඳහා අත්‍යවශ්‍ය පියවරක් පමණක් නොව, අපගේ කලාපයේ කල් පවතින සාමය සහ ස්ථාවරත්වය සාක්ෂාත් කරගැනීම සඳහා තීරණාත්මක පියවරකි. ගැටුම් සම්බන්ධයෙන් සංවාදයක් පැවැත්වීමට දෙරට ගත් තීරණය මම බෙහෙවින් අගය කරන අතර, මෙම තීරණාත්මක අවස්ථාවේදී රාජ්‍යතාන්ත්‍රිකභාවය සහ සංයමය තෝරාගැනීමේදී සැබෑ රාජ්‍යතාන්ත්‍රිකභාවය පෙන්නුම් කිරීම සඳහා දෙරටේ නායකත්වයට මම ප්‍රශංසා කරමි.

ඉන්දියාවේ සහ පාකිස්ථානයේ සමීප අසල්වැසියකු සහ දිගුකාලීන මිතුරෙකු ලෙස, මෙම සටන් විරාමය අඛණ්ඩ මැදිහත්වීම තුළින් දිගුකාලීන ගැටළු සාමකාමී හා ඵලදායී ලෙස විසඳීම සඳහා පදනමක් ලෙස කටයුතු කරනු ඇතැයි මම බලාපොරොත්තු වෙමි.

ශ්‍රී ලංකාව අඛණ්ඩ සාම ක්‍රියාවලිය සඳහා සිය ස්ථිර සහයෝගය නැවත තහවුරු කරන අතර, කලාපීය සමගිය සහ අන්‍යෝන්‍ය අවබෝධය ඉදිරියට ගෙනයෑම සඳහා අපගේ පූර්ණ සහයෝගය ලබාදීමට මම සූදානම්.

අනුර කුමාර දිසානායක

ජනාධිපති

ශ්‍රී ලංකා ප්‍රජාතාන්ත්‍රික සමාජවාදී ජනරජය

11-05-2025’