රුපියල් මිලියන 800 ඉක්මවන හෙළි නොකළ මුදල් සහ වත්කම් සන්තකයේ තබා ගැනීම සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව විසින් ගොනු කරන ලද නඩුවකට හිටපු අමාත්‍ය මර්වින් සිල්වාට කොළඹ මහාධිකරණය හමුවේ අධිචෝදනා ගොනුකර තිබේ.

අල්ලස් හෝ දූෂණ චෝදනා විමර්ශන කොමිෂන් සභාවට අනුව, හිටපු අමාත්‍යවරයාට ඔහුගේ ප්‍රකාශිත නීත්‍යනුකූල ආදායමට අසමාන යැයි කියනු ලබන රුපියල් මිලියන ගණනක වටිනාකමකින් යුත් දේපළ, වාහන සහ බැංකු ගිණුම් ළඟ තබා ගැනීමෙන් අල්ලස් පනත යටතේ වරදක් සිදු කිරීම සම්බන්ධයෙන් චෝදනා එල්ල වී තිබේ.

කොළඹ මහාධිකරණ විනිසුරු ආදිත්‍ය පටබැඳිගේ ඉදිරියේ විත්තිකරුට අධිචෝදනා පත්‍රය විධිමත් ලෙස භාර දෙන ලදී.

චෝදනා ගොනු කිරීමෙන් පසු, අධිකරණය විත්තිකරු ඇප මත නිදහස් කිරීමට නියෝග කළේය.