කාලගුණික හේතු නිසා පසුබෑමට ලක්වූ සංචාරක කර්මාන්තය නැවත ගොඩනැගීමට සෑම සංචාරකයකුටම ‘ආයුබෝවන්’ කියා උණුසුම් ලෙස ආචාර කිරීමෙන් හෝ තැඹිලි ගෙඩියක් – කෙසෙල් ගෙඩියක් වැනි සරල දෙයකින් සංග්‍රහ කිරීමෙන් උපකාරී වන ලෙස ශ්‍රී ලංකා ජාතික සංචාරක මාර්ගෝපදේශක කථිකාචාර්යවරුන්ගේ ආයතනය මහජනතාවගෙන් ඉල්ලා සිටියි.

විදේශ කටයුතු සහ සංචාරක අමාත්‍යාංශයේ පැවති විශේෂ මාධ්‍ය හමුවකදී අදහස් දක්වමින් එම ආයතනයේ සභාපති ජනක දුනුසිංහ අවධාරණය කළේ, අමුත්තන්ට ආරක්ෂිත බවක් සහ පිළිගැනීමක් දැනීම සඳහා සාමූහික, බිම් මට්ටමේ උත්සාහය ජාතික ආර්ථිකයට ඉතා වැදගත් බවයි.

මෙම අභියෝගාත්මක කාල පරිච්ඡේදය තුළ රට වෙනුවෙන් තානාපතිවරුන් වන ලෙස කටයුතු කරන ලෙස දුනුසිංහ සාමාන්‍ය පුරවැසියන්ගෙන් ඉල්ලා සිටියේය.

කෙනෙකු සතුව රු. 100ක් වැනි සුළු මුදලක් හෝ තිබේ නම්, පිපාසිත සංචාරකයකුට තැඹිලි ගෙඩියක් හෝ පලතුරක් පිරිනැමීම මගින් හොඳ හිත පෙන්වන ලෙස ඔහු ඉල්ලා සිටියේය.

අන්තර්ජාතික වශයෙන එන ඍණාත්මක ප්‍රචාරයට එරෙහිව සටන් කිරීමට සහ ශ්‍රී ලාංකිකයන් ලෝකයේ වඩාත්ම ආගන්තුක සත්කාරයට ලැදි ජනතාව බව ඔප්පු කිරීමට කුඩා කරුණාවන්ත ක්‍රියාවන් බොහෝ දුරට උපකාරී වන බව ඔහු අවධාරණය කළේය.

කර්මාන්තයේ ප්‍රකෘතිය හෝටල් හිමියන්ගේ හෝ සංචාරක ක්‍රියාකරුවන්ගේ ප්‍රයෝජනය සඳහා පමණක් නොව, සමස්ත ජාතියේම ප්‍රකෘතිමත් වීමේ උත්සාහයන්ට සහායක් බව ඔහු සඳහන් කළේය.

සංචාරකයන්ගෙන් අධික ගාස්තු අය කිරීම හෝ හිරිහැර කිරීමෙන් වළකින ලෙස ත්‍රිරෝද රථ රියදුරන්ගෙන් විශේෂයෙන් ඔහු ඉල්ලා සිටියේය.

කෙටි කාලීන වාසිය හෝ සෘණාත්මක ර්ක්‍රියා මෙරට කීර්ති නාමයට දිගු කාලීන හානියක් සිදු කළ හැකි බවට ඔහු අනතුරු ඇඟවීය.

තරඟකාරී රටවල් ශ්‍රී ලංකාවෙන් මතුවන ඕනෑම සෘණාත්මක පුවතක් ප්‍රයෝජනයට ගැනීමට උනන්දු වීම ඊට හේතුව බව ඔහු පෙන්වා දුන්නේය.

වර්තමානයේ රට තුළ සිටින සංචාරකයන්ගේ ආරක්ෂාව සහ තෘප්තිය කර්මාන්තයට ඇති බලවත්ම අලෙවිකරණ මෙවලම් බව ඔහු නැවත අවධාරණය කළේය.