දේශීයව නිෂ්පාදනය කරන ලද දුඹුරු සීනි, කාබනික සීනි වර්ගයක් ලෙස අපනයනය කිරීම සඳහා රජය චීනය, ඉරානය සහ අප්‍රිකානු රටවල් කිහිපයක් සමඟ සාකච්ඡා ආරම්භ කර ඇති බව කර්මාන්ත අමාත්‍ය සුනිල් හඳුන්නෙත්ති අද පැවැසීය.

ලෝක වෙළඳපොලේ කාබනික සීනි සඳහා ඉහළ ඉල්ලුමක් පවතින බවත්, ශ්‍රී ලංකාවේ නිෂ්පාදනය කරන ලද දුඹුරු සීනි කාබනික ප්‍රතිශතයෙන් ඉහළ බවත්, ඔහු පාර්ලිමේන්තුවට සඳහන් කළේය.

විපක්ෂ නායක සජිත් ප්‍රේමදාසගේ ප්‍රශ්නයකට පිළිතුරු දෙමින් ඔහු පැවසුවේ, දුඹුරු සීනි අපනයනය කිරීමට ගත් පියවර සීනි කර්මාන්තශාලාවල ආදායම ඉහළ නැංවීම සඳහා විකල්පයක් වන බවයි.