මීට වසර මිලියන 66 කට පෙර සාගරයේ දඩයම් කළ ‘නපුරු සිහිනැති මුහුදු කටුස්සා’ ඩයිනොසර විශේෂයට අයත් ෆොසිල සොයාගත් බව විද්‍යාඥයෝ පවසති.

Khinjaria acuta ලෙසින් නම්කර ඇති මෙම සත්වයා අඩි 26 (මීටර් 8) පමණ දිග – orca සතෙකුට සමාන ‘කිණිසි’ වැනි දත් වලින් යුක්ත වේ.

පර්යේෂකයන් පවසන්නේ, මෙම විශේෂය Tyrannosaurus rex සහ Triceratops වැනි ඩයිනෝසෝරයන් සමඟ ජීවත්වන්නට ඇති බවයි.

මෙම අධ්‍යයනය පදනම් වී ඇත්තේ, මොරොක්කෝවේ පතලක තිබී හිස් කබලක් සහ අනෙකුත් අස්ථි කොටස් විශ්ලේෂණය කිරීම මතය.

මෙම අධ්‍යයනයට නායකත්වය දුන් බාත් විශ්ව විද්‍යාලයේ ආචාර්ය නික් ලෝන්ග්‍රිච් ලියා ඇත්තේ, මෙම සත්ව විශේෂයට ‘යක්ෂයෙකුගේ මුහුණක් සහ පිහි වැනි දත්’ ඇති බවයි.

උගේ දත් සහ ශක්තිමත් හකු සත්වයාට ‘බියකරු පෙනුමක්’ සහ ‘භයානක දෂ්ට කිරීමේ බලයක්’ ලබාදුන් බව පර්යේෂකයෝ පවසති.

Khinjaria acuta යනු වර්තමාන කොමෝඩෝ මකරුන් සහ ඇනකොන්ඩාවන්ගේ දුරස්ථ ඥාතීන් වන මොසාසෝර් ලෙස හඳුන්වන යෝධ සාගර කටුස්සන්ගේ පවුලක සාමාජිකයෙකි.