November 1, 2025
2025 අන්තර්ජාතික විශ්වවිද්‍යාල බැඩ්මින්ටන් ශූරතාවලිය කොළඹ විශ්වවිද්‍යාල ගෘහස්ථ ක්‍රීඩාංගණයේදී ඊයේ ආරම්භ වූ අතර, මුදල් නියෝජ්‍ය අමාත්‍ය අනිල් ජයන්ත සහ චීන තානාපති ක්වි ෂෙන්හොං අතර සුහද ප්‍රදර්ශන තරඟයක් ද පැවැත්විණි.
සුහදතාවයේ ජීවගුණය ඉස්මතු කරමින් පැවති මෙම තරගය, ශ්‍රී ලංකාව සහ චීනය අතර ක්‍රීඩා සහ රාජ්‍ය තාන්ත්‍රික සබඳතා ශක්තිමත් කිරීම සංකේතවත් කළේය.
කොළඹ විශ්වවිද්‍යාලයේ උපකුලපති මහාචාර්ය ඉන්දික කරුණාතිලක, චීන තානාපති කාර්යාලයේ ජ්‍යෙෂ්ඨ නිලධාරීන් සහ අනෙකුත් සම්භාවනීය අමුත්තන්ගේ සහභාගීත්වයෙන් අමාත්‍ය අනිල් ජයන්තගේ ප්‍රධානත්වයෙන් සමාරම්භක උත්සවය පැවැත්විණි.
අඛණ්ඩව තුන්වැනි වසරටත්, 2025 තානාපති කුසලාන තරගාවලිය කොළඹ විශ්වවිද්‍යාලය විසින් සංවිධාන කරනු ලබන්නේ කොළඹ අන්තර්ජාතික බහාලුම් පර්යන්තයේ (CICT) ත්‍යාගශීලී අනුග්‍රහයෙනි.
ඔක්තෝබර් 31 සිට නොවැම්බර් 3 දක්වා පැවැත්වෙන මෙම තරඟාවලිය විශ්වවිද්‍යාල ක්‍රීඩා දින දර්ශනයේ කැපී පෙනෙන අංගයක් බවට පත්ව ඇත.
මෙම වසරේ උත්සවයට විශ්වවිද්‍යාල ප්‍රතිපාදන කොමිෂන් සභාව විසින් පිළිගත් ශ්‍රී ලංකාව පුරා විශ්වවිද්‍යාල මෙන්ම ඉන්දියාවේ සහ චීනයේ විදේශීය විශ්වවිද්‍යාල සහභාගී වීම නිසා සැබෑ අන්තර්ජාතික ස්වභාවය ඉස්මතු කෙරේ.
ශූරතාවලියට ශිෂ්‍ය සහ කාර්ය මණ්ඩල කාණ්ඩ දෙකම ඇතුළත් වන අතර, එමඟින් සහභාගීත්වය සඳහා වැඩි අවස්ථා නිර්මාණය වනවා සේම දේශීය හා විදේශීය ආයතන අතර ශක්තිමත් ක්‍රීඩා සහ අධ්‍යයන සහයෝගීතාවක් ද වර්ධනය වේ.
