FalconFeeds.io වෙබ් අඩවියට අනුව, ශ්‍රී ලංකාවේ විශ්‍රාම වැටුප් දෙපාර්තමේන්තුව සයිබර් ප්‍රහාරක කණ්ඩායමක් (Cloak ransomware) විසින් ඉලක්ක කර ඇති බව වාර්තා වේ.

එහිදී කිසියම් දත්තයක් අවදානමට ලක් වී තිබේද නැතහොත් කප්පම් මුදලක් ඉල්ලා තිබේද යන්න ඇතුළුව, මෙම ප්‍රහාරයේ වැඩිදුර තොරතුරු තවමත් තහවුරු කර නොමැත.

අභ්‍යන්තර පරීක්ෂණයක් සිදුවෙමින් පවතින බව වාර්තා වුවද, විශ්‍රාම වැටුප් දෙපාර්තමේන්තුව කිසිදු සයිබර් ආරක්ෂණ සිදුවීමක් ප්‍රසිද්ධියේ පිළිගෙන නොමැත.

මෙම නවතම තර්ජනයෙන් පසුව කඩිනම් පියවර ගන්නා ලෙස සයිබර් ආරක්ෂණ විශ්ලේෂක අසේල වෛද්‍යලංකාර බලධාරීන්ගෙන් ඉල්ලා සිටින්නේ, එම අධීක්ෂණ වේදිකාව (FalconFeeds.io) මීට පෙර 2025 මාර්තු මාසයේදී කාගිල්ස් බැංකුව සම්බන්ධ දත්ත උල්ලංඝනයක්ද පෙන්වාදී ඇති බව සඳහන් කරමිනි.

මෙම Cloak ransomware කණ්ඩායම, සංවේදී දත්ත සංකේතනය කිරීම සහ විකේතන යතුරු සඳහා කප්පම් ගෙවීම් ඉල්ලා සිටීම සඳහා සහ සොරකම් කරන ලද තොරතුරු හෙළි නොකිරීමෙන් වින්දිතයන්ගෙන් කප්පම් ගැනීම සඳහා ප්‍රසිද්ධය. (Newswire)