මෙරට ඛනිජ තෙල් කර්මාන්තය නියාමනයට නව ආයතනයක් ස්ථාපනයට අවධානය යොමු වී ඇතත් විශේෂයෙන් ලිහිසි තෙල් අංශයේ අනවසර ක්‍රියාකාරිකයන් වෙළඳපොළට ඇතුළු වීමට ඇති හැකියාව පිළිබඳ කණස්සල්ල මතුවෙමින් තිබේ.

මීට පෙර පෙර එම කටයුතු නියාමනය කළ ශ්‍රී ලංකා මහජන උපයෝගිතා කොමිෂන් සභාව (PUCSL) වෙළඳපොළ අධීක්‍ෂණය, පාරිභෝගික සහ වෙළඳ අධ්‍යාපනය, ආනයන පරීක්ෂා කිරීම සහ අනවසර ක්‍රියාකරුවන් සහ බාල නිෂ්පාදනවලට එරෙහිව ක්‍රියා කිරීම නවතා දමා තිබේ.

බලශක්ති අමාත්‍යාංශයේ නියෝගයට අනුව මීට පෙර මහජන උපයෝගිතා කොමිෂන් සභාව වෙත ගෙවීම් කර ලබාගත් ලිහිසි තෙල් බලපත්‍ර සඳහා ගාස්තු දැන් සෘජුවම අමාත්‍යාංශයට ගෙවිය යුතුය.

මේ සම්බන්ධයෙන් කණස්සල්ල පළ කරන ආයතනයක් වන්නේ Chevron Lubricants Lanka PLCය.

මෙම වෙනසත් සමඟ පවතින අඩුපාඩු හේතුවෙන් අනවසර ක්‍රියාකරුවන් සහ බාල නිෂ්පාදන බහුල වීමේ අවදානමක් පවතින අතර, එය බලපත්‍රලාභී ක්‍රියාකරුවන්ට, පාරිභෝගිකයන්ට සහ රජයට ආදායම් අහිමි වීම සම්බන්ධයෙන් අහිතකර වනු ඇති බව එම ආයතනයේ ප්‍රධාන විධායක නිලධාරී බර්ට්‍රම් පෝල් සමාගමේ වාර්ෂික වාර්තාවේ සඳහන් කර තිබේ.

2023 අගෝස්තු මාසයේදී බලශක්ති අමාත්‍යාංශය සියලුම ලිහිසි තෙල් ක්‍රියාකරුවන්ට දන්වා සිටියේ 2024 දී ස්ථාපනය කිරීමට නියමිත ඉන්ධන, ද්‍රව පෙට්‍රෝලියම් වායු සහ ලිහිසි තෙල් ආවරණය වන පරිදි ඛනිජ තෙල් කර්මාන්තය සඳහා නව නියාමකයකු එන බැවින් මහජන උපයෝගිතා කොමිෂන් සභාව විදුලි කර්මාන්තය නියාමනය කිරීම කෙරෙහි පමණක් අවධානය යොමු කරන බවයි.

අංගසම්පූර්ණ නියාමකයකු පිහිටුවීමේ පියවර කර්මාන්තය සාදරයෙන් පිළිගෙන ඇත.

ඒ අනුව පෙට්‍රෝලියම් එම නියාමන ආයතනය ස්ථාපනය කිරීම වෙනුවෙන් නීතියක් කෙටුම්පත් කිරීම සඳහා මණ්ඩලයක් පත් කිරීමට කැබිනට් අනුමැතිය ලබා දී ඇති අතර, එය ද්‍රව පෙට්‍රෝලියම් ගෑස්, පෙට්‍රල්, ඩීසල්, භූමිතෙල්, ගුවන් ඉන්ධන සහ ලිහිසි තෙල් අධීක්ෂණය කරනු ඇත.

මේ අතර, ලිහිසි තෙල් කර්මාන්තය පසුගිය වසර පහ තුළ ක්‍රියාකරුවන් සංඛ්‍යාවේ සැළකිව යුතු වර්ධනයක් අත්කර ගෙන ඇති අතර එය 13 සිට 35 දක්වා තුන් ගුණයකින් වැඩි වී ඇත.

පසුගිය වසර දෙක තුළ වෙළඳපොළේ පහත වැටීමක් තිබියදීත් රජය නව ලිහිසි තෙල් බලපත්‍ර නිකුත් කිරීම දිගටම කරගෙන ගොස් තිබේ.

ඉදිරිය දෙස බලන විට, Chevron Lubricants Lanka ඇතැම් අංශවල ඉල්ලුම ප්‍රකෘතිමත් වීමේ සලකුණු සටහන් කරමින් කර්මාන්තයේ අනාගතය පිළිබඳ ප්‍රවේශමෙන් ශුභවාදීව සිටින බව පෝල් පැවසීය.

කෙසේවෙතත්, 2024 මැතිවරණ වසරක් වීමත් සමඟ එම පරිසරය අවිනිශ්චිතතාවයෙන් පිරී ඇති බව ඔහු සඳහන් කර තිබේ.