June 4, 2025
විපක්ෂයේ නායකත්වයෙන් යුත් අනාගත පරිපාලනයක් යටතේ වත්මන් රජයේ අමාත්‍යවරුන් කිහිපදෙනකු සිරදඬුවම් විඳීමට සිදුවන බවට පාර්ලිමේන්තු මන්ත්‍රී චාමර සම්පත් දසනායක කළ ප්‍රකාශයෙන් පසු පාර්ලිමේන්තුවේ උණුසුම් වචන හුවමාරුවක් සිදුවිය.
පාර්ලිමේන්තු සැසිවාරය අතරතුර කතාකරමින් මන්ත්‍රී දසනායක කියාසිටියේ, ඇතැම් අමාත්‍යවරුන් විසින් මහජන මුදල් දැඩි ලෙස අවභාවිත කර ඇති බවයි.
“රිලා සංගණනයක් සඳහා රුපියල් මිලියන 100 කට වඩා වියදම් කිරීම සම්බන්ධයෙන් කෘෂිකර්ම ඇමතිට අපි ජම්පරයක් අන්දවනවා” ඔහු පැවසීය. “සීනි වංචාවට සම්බන්ධවීම සම්බන්ධයෙන් අමාත්‍ය සුනිල් හඳුන්නෙත්තිටත් එහෙම වෙන්න පුළුවන්. ” මන්ත්‍රීවරයා පැවසීය.
චාමර සම්පත් දසනායක විසින් අමාත්‍ය වසන්ත සමරසිංහද ඉලක්ක කර ගනිමින්, වංචනික දේපළ ගනුදෙනුවකට සම්බන්ධ බවට චෝදනා කළේය.
ඊට අමතරව අධිකරණ ඇමැති හර්ෂණ නානායක්කාරටද ‘ජම්පරයක් අන්දවන’ බවට ඔහු ප්‍රකාශ කළේය.
