දූෂණ චෝදනා සම්බන්ධයෙන් පාර්ලිමේන්තු මන්ත්‍රී චාමර සම්පත් දසනායකට එරෙහිව මහාධිකරණය හමුවේ අධිචෝදනා ගොනු කර ඇති බව අල්ලස් හෝ දූෂණ චෝදනා විමර්ශන කොමිසම අද කොළඹ ප්‍රධාන මහේස්ත්‍රාත් අසංග එස්. බෝදරගමට දැනුම් දුන්නේය.

වැඩිදුර කරුණු දක්වමින් අල්ලස් කොමිසම ප්‍රකාශ කළේ, පාර්ලිමේන්තු මන්ත්‍රී චාමර සම්පත් දසනායකට එරෙහිව විභාග වෙමින් පවතින එක් නඩුවක් සම්බන්ධයෙන් දැනටමත් අධිචෝදනා ගොනු කර ඇති බවය.

මේ අතර, එම පාර්ලිමේන්තු මන්ත්‍රීවරයාට අදාළ තවත් නඩු දෙකක් ද අද අධිකරණය හමුවේ කැඳවූ අතර, මෙම නඩු මැයි 19 වැනිදා දක්වා කල් දැමීමට මහේස්ත්‍රාත්වරයා නියෝග කළේය.

ඌව පළාත් සභාවේ ප්‍රධාන අමාත්‍යවරයා ලෙස කටයුතු කරමින් සිටියදී චාමර සම්පත් දසනායක පළාත් සභාවට අයත් ස්ථාවර තැන්පතු ගිණුම් හයක් කල් ඉකුත් වීමට පෙර ආපසු ලබා ගැනීමෙන් රජයට පාඩුවක් සිදුකළ බවට චෝදනා කරමින් මෙම නඩු ගොනු කර ඇත.