රාජ්‍ය මුදල් අවභාවිතය සම්බන්ධයෙන් අල්ලස් කොමිසම විසින් ගොනුකර තිබූ නඩුවකට අදාළව බදුල්ල දිස්ත්‍රික් පාර්ලිමේන්තු මන්ත්‍රී චාමර සම්පත් දසනායක බදුල්ල මහේස්ත්‍රාත් අධිකරණය විසින් පෞද්ගලික ඇප 02ක් මත මුදාහැර තිබේ.

රුපියල් මිලියන 01ක අවභාවිතය සම්බන්ධයෙන් ගොනුකර තිබූ නඩුවකට අදාළව රුපියල් මිලියන 01 බැගින් වූ පෞද්ගලික ඇප දෙකක් මත බදුල්ල මහේස්ත්‍රාත් අධිකරණය අද පාර්ලිමේන්තු මන්ත්‍රීවරයා මුදාහැරියේය.

රාජ්‍ය අමාත්‍යවරයකු ලෙස ඔහුගේ පෙර ධුර කාලයට අදාළ වෙනම දූෂණ චෝදනා 03ක් සම්බන්ධයෙන් මාර්තු 27 වන දින ප්‍රකාශයක් සටහන් කර ගැනීමෙන් පසු පාර්ලිමේන්තු මන්ත්‍රී චාමර සම්පත් දසනායක අල්ලස් කොමිසම විසින් අත්අඩංගුවට ගන්නා ලදී.

දූෂණ චෝදනා දෙකක් මත ඔහු රිමාන්ඩ් භාරයට පත්කරන ලද අතර, එක් චෝදනාවකට ඔහුට ඇප ලැබිණි.

එක් චෝදනාවක් වූයේ රාජ්‍ය බැංකුවක පළාත් සභා ස්ථාවර තැන්පතුවෙන් රුපියල් මිලියන 01ක් අයථා ලෙස පරිහරණය කිරීම සම්බන්ධයෙන් ය.

දෙවැනි චෝදනාව වූයේ රාජ්‍ය බැංකුවක තිබූ ස්ථාවර තැන්පතු ආපසු ලබාගැනීමෙන් රජයට රුපියල් මිලියන 23ක පාඩුවක් සිදුකිරීම ය.