යුද්ධයේදී එල්ටීටීඊය විසින් සඟවා තිබූ බවට සැකකෙරෙන අවි තොගයක් වාකරේ සම්බු කලපුව ප්‍රදේශයේ සෝදිසි මෙහෙයුමකදී සොයාගෙන ඇත.

පොලිසියට අනුව, වාලච්චේන මහේස්ත්‍රාත් අධිකරණයෙන් ලබාගත් නියෝගයක් යටතේ විශේෂ කාර්ය බලකා වාකරේ කඳවුරේ නිලධාරීන් කණ්ඩායමක් සෝදිසි මෙහෙයුම සිදුකර තිබේ.

මෙම මෙහෙයුම ප්‍රාදේශීය අණදෙන නිලධාරී (ත්‍රිකුණාමලය) ඇතුළු විශේෂ කාර්ය බලකා නිලධාරීන් කණ්ඩායමක් විසින් සිදුකර ඇත.

සෝදිසි කිරීමේදී පහත සඳහන් ආයුධ සොයාගෙන තිබේ.

– RPG නාශක ටැංකි උණ්ඩ 38ක්
– RPG චාජර් 37ක්
– SFG-87 වර්ගයේ සජීවී අත්බෝම්බ 05ක්

අධිකරණ නියෝගවලට අනුව, හෙට (ජනවාරි 08) විශේෂ කාර්ය බලකා බෝම්බ නිෂ්ක්‍රීය ඒකකය විසින් මෙම පුපුරන ද්‍රව්‍ය ආරක්ෂිතව විනාශ කිරීමට නියමිතය.