යුද හමුදා ලුතිනන්වරයකු සහ තවත් පුද්ගලයින් තුන්දෙනෙකු මන්නාරම තල්පාඩු ප්‍රදේශයේදී අත්අඩංගුවට ගෙන තිබේ.

මෙම පිරිස යුද සමයේ වල දමා තිබු අවි ආයුධ හා රත්‍රං සොයා කැණීම් කරමින් සිට ඇත.

පොලිස් විශේෂ කාර්ය බලකාය කළ වැටළීමක දී සැකකරුවන් අත්අඩංගුවට ගෙන තිබේ.

සැකකරුවන් කඩුවෙල, වවුනියාව සහ අනුරාධපුර ප්‍රදේශවල පදිංචිකරුවන් වේ.

සැකකරුවන් සන්තකයේ තිබී පොළොව අභ්‍යන්තරය නිරීක්ෂණය කරන අධි සංවේදි උපකරණයක් සහ ලැප්ටොප් පරිගණකයක් පොලිස් විශේෂ කාර්ය බලකාය භාරයට ගෙන ඇත.