‘ඇක්වා මෑන්'(Aquaman) චිත්‍රපටයේ චරිත නිරූපණය හේතුවෙන් ලෝක ප්‍රසිද්ධ වූ නළු ජේසන් මොමෝවා (Jason Momoa) ශ්‍රී ලංකාවට සිය සුබ පැතුම් පිරිනමා ඇත.

කඩොලාන පරිසර පද්ධති ප්‍රතිනිර්මාණය කිරීම සහ ප්‍රතිෂ්ඨාපනය කිරීමේ ශ්‍රී ලංකාවේ උත්සාහයන් වෙනුවෙන් ශ්‍රී ලංකාව එක්සත් ජාතීන්ගේ සංවිධානයේ අගැයීමට පසුගියදා බඳුන් විය.

ජේසන් මොමෝවා සුබපතා ඇත්තේ, එලෙස ශ්‍රී ලංකාව එක්සත් ජාතීන්ගේ ඇගැයීමට ලක්වීම සම්බන්ධයෙනි.

සුනාමි ව්‍යසනයෙන් පසු ශ්‍රී ලංකාව සිය ගොඩබිම්, විශේෂයෙන්ම රටේ වෙරළ ප්‍රතිෂ්ඨාපනය කිරීමට ශ්‍රී ලංකාව දරන ප්‍රයත්නයන් අගය කරන එක්සත් ජාතීන්ගේ වීඩියෝ පණිවිඩයක අදහස් දක්වමින් ජේසන් මොමෝවා මෙලෙස ශ්‍රී ලංකාව සම්බන්ධයෙන් අදහස් පළකර ඇත.