බුද්ධා එයාර් ගුවන් යානයක් ඊයේ රාත්‍රියේ නේපාලයේ භද්‍රපූර් ගුවන්තොටුපළට ගොඩබෑමේදී ධාවන පථයෙන් ඉවතට ලිස්සා ගොස් තිබේ.

මෙම අනතුරට මුහුණදුන්නේ කත්මණ්ඩු සිට නැගෙනහිර ජාපා දිස්ත්‍රික්කයේ භද්‍රපූර් දක්වා දේශීය සේවාවක් ක්‍රියාත්මක කළ 901 දරන ගුවන් යානයයි.

ර්බෝප්‍රොප් ගුවන් යානය, දේශීය වේලාවෙන් රාත්‍රී 9ට පමණ ගොඩබෑමේදී ධාවන පථයෙන් ඉවතට පන තිබිණි.

මගීන් සහ කාර්ය මණ්ඩලය ඇතුළුව පුද්ගලයන් 55 දෙනෙකු එහි සිටි බව ගුවන්සේවා බලධාරීන් ප්‍රකාශ කර තිබේ.

සියලුම මගීන් ආරක්ෂිතව ඉවත් කරන ලද අතර, කිසිදු මරණයක් හෝ බරපතළ තුවාලයක් වාර්තා වී නොමැත.

බලධාරීන් ගුවන් යානය ආරක්ෂා කර ධාවන පථය තක්සේරු කරනතුරු සිද්ධියෙන් පසු ගුවන් තොටුපළ මෙහෙයුම් තාවකාලිකව අඩාල විය.

යානය පරීක්ෂා කිරීමට සහ ධාවන පථයෙන් ඉවතට පැනීමට හේතුව තීරණය කිරීමට තාක්ෂණික කණ්ඩායමක් යවන ලදී.

නේපාලයේ සිවිල් ගුවන් සේවා බලධාරීන් සිද්ධිය සම්බන්ධයෙන් පරීක්ෂණයක් ආරම්භ කර ඇත.

ගුවන් යානය පරීක්ෂා කිරීමෙන් සහ එම අවස්ථාවේ ගොඩබෑමේ තත්ත්වයන් සමාලෝචනය කිරීමෙන් පසු වැඩිදුර තොරතුරු නිකුත් කිරීමට නියමිතය.