August 21, 2025
සියලුම රාජ්‍ය ආයතනවල එකතු වී ඇති අනවශ්‍ය ද්‍රව්‍ය බැහැරකිරීම සඳහා විශේෂ වැඩසටහනක් ක්‍රියාත්මක කිරීමට රජය පියවර ගෙන තිබේ.
මෙම වැඩසටහන සැප්තැම්බර් 01 සිට 04 දක්වා ක්‍රියාත්මක කිරීමට නියමිතය.
රාජ්‍ය ආයතනවල නිලධාරීන්ට නිදහසේ තම රාජකාරි ඉටුකිරීමට සුදුසු පිරිසිදු, සෞඛ්‍ය සම්පන්න සහ ආරක්ෂිත පරිසරයක් නිර්මාණය කිරීමේ අරමුණින් මෙම වැඩසටහන ක්‍රියාත්මක කර ඇත.
ඒ අනුව, රාජ්‍ය පරිපාලන, පළාත් සභා සහ පළාත් පාලන අමාත්‍යාංශයේ ලේකම්වරයා විසින් සියලුම අමාත්‍යාංශ ලේකම්වරුන්, පළාත් ප්‍රධාන ලේකම්වරුන්, දෙපාර්තමේන්තු ප්‍රධානීන්, දිස්ත්‍රික් ලේකම්වරුන්, රාජ්‍ය සංස්ථා සහ ව්‍යවස්ථාපිත මණ්ඩල ප්‍රධානීන් වෙත යවන ලද විශේෂ චක්‍රලේඛයක් නිකුත් කර ඇත.
මෙය ‘ක්ලීන් ශ්‍රී ලංකා’ ජාතික වැඩසටහනට සමගාමීව ක්‍රියාත්මක කිරීමට නියමිත අතර අවශ්‍ය සහ අනවශ්‍ය ද්‍රව්‍ය හඳුනාගෙන සියලු අනවශ්‍ය ද්‍රව්‍ය බැහැර කිරීම ඇතුළත් වේ.
රාජ්‍ය පරිපාලන, පළාත් සභා සහ පළාත් පාලන අමාත්‍යාංශය සතිය තුළ රාජ්‍ය ආයතන ක්‍රියාත්මක විය යුතු ආකාරය පිළිබඳ මාර්ගෝපදේශ මාලාවක් ද නිකුත් කර ඇත.
