වෙළඳ පරතරය අඩුකිරීමේ උත්සාහයක් ලෙස, විදුලි වාහන (EV) ඇතුළු ඇමරිකානු වාහන සඳහා තීරුබදු රහිත ප්‍රවේශය ලබාදෙන ලෙස ඇමරිකා එක්සත් ජනපදය සිය තීරුබදු සාකච්ඡා වලදී ශ්‍රී ලංකාවෙන් ඉල්ලා ඇති බව වෙළඳ සාකච්ඡා පිළිබඳව මූලාශ්‍ර උපුටා දක්වමින් Daily Mirror වාර්තා කරයි.

කෙසේවෙතත්, එම මූලාශ්‍රයට අනුව, ශ්‍රී ලංකා රජය ඒ සඳහා සම්පූර්ණ අනුමැතිය ලබාදී නැති නමුත්, යම් කාලයක් තුළ ඒ සම්බන්ධයෙන් අදියරෙන් අදියර සලකා බැලීමට එකඟවී තිබේ.

කෙසේවෙතත් තීරුබදු තවදුරටත් අඩුකිරීමේ අරමුණින් ශ්‍රී ලංකාව සහ ඇමරිකා එක්සත් ජනපදය වෙළඳ සංවාදය දිගටම කරගෙන යනු ඇත.

නවතම සාකච්ඡා වටයේදී, ශ්‍රී ලංකාව මුලින් යෝජිත සියයට 44 ක තීරුබදු ප්‍රමාණයෙන් සියයට 20 දක්වා අඩුකර ගැනීමට සමත් විය.

වත්මන් අනුපාතය බංග්ලාදේශය සහ වියට්නාමය වැනි කලාපීය තරඟකරුවන්ට සමාන බැවින් එය තරඟකාරී එකක් ලෙස සැලකේ. වියට්නාමය සහ බංග්ලාදේශය සඳහා පනවා ඇති තීරුබදු ද සියයට 20 ක මට්ටමක පවතී.

2024 දී ශ්‍රී ලංකාව සමඟ එක්සත් ජනපදයේ මුළු භාණ්ඩ වෙළඳාම ඩොලර් බිලියන 3.4 ක් ලෙස ඇස්තමේන්තු කර ඇත. 2024 දී ශ්‍රී ලංකාවට කරන ලද එක්සත් ජනපද භාණ්ඩ අපනයනය ඩොලර් මිලියන 368.2 ක් වූ අතර එය 2023 ට වඩා සියයට 4.9 කින් (ඩොලර් මිලියන 17.1) වැඩිවිය. ශ්‍රී ලංකාවෙන් එක්සත් ජනපද භාණ්ඩ ආනයනය 2024 දී ඩොලර් බිලියන 3.0 ක් වූ අතර, එය 2023 ට වඩා සියයට 6.1 කින් (ඩොලර් මිලියන 173.5) වැඩිවිය. ශ්‍රී ලංකාව සමඟ එක්සත් ජනපද භාණ්ඩ වෙළඳ හිඟය 2024 දී ඩොලර් බිලියන 2.6 ක් වූ අතර එය 2023 ට වඩා සියයට 6.3 ක වැඩිවීමකි (ඩොලර් මිලියන 156.4).

වෙළඳ පරතරය අඩුකිරීම සඳහා වන යෝජනාවක් ලෙස, මිල ගණන් තරඟකාරී නම් එක්සත් ජනපද සමාගම්වලින් ඉන්ධන මිලදී ගැනීමට ශ්‍රී ලංකාව ඉදිරිපත් වී ඇත.

ශ්‍රී ලංකාවේ පිරිවිතර පරීක්ෂණයක් සඳහා ලංකා ඛනිජ තෙල් සංස්ථාව (CPC) දැනටමත් එක්සත් ජනපදයේ නිෂ්පාදනය කරන ලද WTC බොරතෙල් සාම්පල ශ්‍රී ලංකාවේ පිරිවිතර පරීක්ෂණයක් සඳහා ඉල්ලා ඇත.

වර්තමානයේ, එක්සත් ජනපද වෙළඳපොළට ළඟාවන විශාලතම ශ්‍රී ලාංකික නිෂ්පාදන ලෙස ඇඟලුම් පවතී.

ඇඟලුම් කර්මාන්තය සඳහා චීනයෙන් අමුද්‍රව්‍ය ආනයනය කිරීම සඳහා සීමාවන් පැනවීමට ඔවුන් කළ ඉල්ලීමට ශ්‍රී ලංකාව විරුද්ධවී ඇත.

අනාගතයේදී, අන්තර්ජාතික වෙළඳාමේ දී ශ්‍රී ලංකාවට තවදුරටත් සංකීර්ණතා මඟහරවා ගැනීමට සිදුවනු ඇත.

චීනය සහ ඇමරිකා එක්සත් ජනපදය ලෝකයේ ප්‍රමුඛතම විදුලි වාහන නිෂ්පාදකයන් වේ. වර්තමානයේ, ශ්‍රී ලංකාව චීනයෙන් BYD වැනි චීන විද්‍යුත් වාහන ආනයනය කරයි.