කොස්ගම සුදුවැල්ල ප්‍රදේශයේ අද (06) අලුයම සිදුවූ වෙඩිතැබීමකින් තරුණියක ඇතුළු තිදෙනකු තුවාල ලබා ඇති බව පොලිසිය පැවසීය.

ත්‍රිරෝද රථයකින් ගමන් කරමින් සිටියදී මෙම වෙඩිතැබීම සිදුව ඇති බව පොලිසිය වැඩිදුරටත් සඳහන් කළේය.

යතුරුපැදියකින් පැමිණි පුද්ගලයන් දෙදෙනෙකු පිස්තෝල වර්ගයේ ගිනි අවියක් භාවිත කරමින් වෙඩිතැබීම සිදු කර ඇති බව වාර්තා වේ.

පොලිසියට අනුව, තුවාල ලැබූවන් අතර අවිස්සාවේල්ල පදිංචි 30 හැවිරිදි කාන්තාවක් සහ ඇගේ 12 හැවිරිදි දියණිය සහ 44 හැවිරිදි පිරිමියකු ඇතුළත් වේ.

තුවාල ලැබූවන් ප්‍රතිකාර සඳහා අවිස්සාවේල්ල රෝහලට ඇතුළත් කර ඇත.

වෙඩිතැබීමට හේතුව සහ සැකකරුවන්ගේ අනන්‍යතාවය තවමත් අනාවරණය වී නොමැත.

සැකකරුවන් අත්අඩංගුවට ගැනීම සඳහා කොස්ගම පොලිසිය වැඩිදුර පරීක්ෂණ පවත්වයි.