May 26, 2025
ශ්‍රී ලංකාවට පනවා ඇති තීරුබදු සම්බන්ධයෙන් සාකච්ඡා මැයි 27 වැනි දින වොෂින්ටනයේදී ආරම්භ වීමට නියමිත බව රජයේ ආරංචි මාර්ග පවසයි.
මෙම සාකච්ඡා දෙරට අතර ද්විපාර්ශ්වික වෙළඳ සබඳතා ශක්තිමත් කිරීම සඳහා අඛණ්ඩව දරන උත්සාහයන්ගේ කොටසක් වනු ඇත.
මුදල් හා සැලසුම් නියෝජ්‍ය අමාත්‍ය හර්ෂණ සූරියප්පෙරුමගේ නායකත්වයෙන් යුත් දූත පිරිසක් මෙම සාකච්ඡා සඳහා ශ්‍රී ලංකාව නියෝජනය කරනු ඇත.
ශ්‍රී ලංකාව සහ ඇමරිකා එක්සත් ජනපදය අතර අඛණ්ඩ රාජ්‍යතාන්ත්‍රික මැදිහත්වීම සහ ආර්ථික සංවාදය පිළිබිඹු කරමින් මෙය දෙවැනි වටයේ සාකච්ඡා පැවැත්වීමට නියමිතය.
එක්සත් ජනපද රජය වෙනුවෙන් අන්තර්ජාතික වෙළඳ ප්‍රතිපත්ති සහ සාකච්ඡා අධීක්ෂණය කරන එක්සත් ජනපද වෙළඳ නියෝජිත කාර්යාලයේ (USTR) ආරාධනයෙන් මෙම සාකච්ඡා පැවැත්වේ.
එක්සත් ජනපදය අපනයන තීරුබදු පැනවූ රටවල් ගණනින් ශ්‍රී ලංකාව ද එකකි.
