මන්නාරම සුළං බලාගාරය සඳහා විදුලිබල මිලදී ගැනීමේ ගිවිසුම, අදාළ පාර්ශ්වයන් යෝජිත මිලට එකඟ වන තුරු තම රජය විසින් ඉදිරියට ගෙන නොයන බව ජනාධිපති අනුර කුමාර දිසානායක ස්ථිරවම ප්‍රකාශ කර ඇත.

ජාතික ජන බලවේගයේ මැතිවරණ රැලියක් අමතමින් ඔහු සඳහන් කළේ, පසුගිය ආණ්ඩුව ඒකකයකට ඇමරිකානු ඩොලර් ශත 8.26 ක අනුපාතයකට එකඟ වී ඇති බවත්, වෙනත් සමාගමක් සමඟ වත්මන් ගිවිසුම මඟින් ඒකකයකට ඇමරිකානු ඩොලර් ශත 4.57 ක ගනුදෙනුවක් ලබාගත් බවත්, එහි වෙනස ඒකකයට රුපියල් 13 වෙනුවට රුපියල් 25 ක් බවත්ය.

“හිටපු ජනාධිපතිවරයා පෙර ගිවිසුම කෙසේ හෝ ඉදිරියට ගෙන යන ලෙස පවසා ඇති බව මම දැක්කා [අදානි සමූහය සමඟ]. කුමන ගිවිසුමක් අත්සන් කළත්, ඔවුන් අපේ මිලට එකඟ වනතුරු අපි කිසිම දෙයක් ඉදිරියට ගෙනියන්නේ නෑ” ජනාධිපතිවරයා තරයේ කියාසිටියේය.

පසුගිය පරිපාලනවල දූෂණවලය චෝදනා කරමින් ජනාධිපතිවරයා, මෙම අමතර වියදම් යන්නේ කොහේදැයි ප්‍රශ්න කළේය.

ශ්‍රී ලංකාවේ ඩොලර් මිලියන 442 ක සුළං බලශක්ති ව්‍යාපාරයක තවදුරටත් සම්බන්ධ වීමෙන් ඉවත්වන බව අදානි සමූහය පෙබරවාරි මාසයේදී පැවැසීය.

ජනමාධ්‍ය නිවේදනයක් නිකුත් කරමින් එම සමාගම මෙසේ සඳහන් කළේය.

“ශ්‍රී ලංකාවේ සුළං බලශක්ති ව්‍යාපෘතියේ සහ සම්ප්‍රේෂණ ව්‍යාපෘති දෙකක තවදුරටත් සම්බන්ධ වීමෙන් ගෞරවනීය ලෙස ඉවත් වීමට තම මණ්ඩලයේ තීරණය අදානි ග්‍රීන් එනර්ජි විසින් දැනුම් දී ඇත.”