වරදකරුවන් වූ ශ්‍රී ලාංකික සිරකරුවන් 20 දෙනෙකු කුවේට් රාජ්‍යය සහ ශ්‍රී ලංකාව අතර අතර පවතින පිටුවහල් කිරීමේ ගිවිසුමක් යටතේ පිටුවහල් කර ඇති බව මාධ්‍ය වාර්තා කරයි.

කුවේට් මධ්‍යම බන්ධනාගාරයේ රඳවා සිටි සිරකරුවන් බදාදා දින විශේෂ ගුවන් යානයක් මගින් කටුනායක ගුවන් තොටුපළින් ශ්‍රී ලංකාවට ආපසු ගෙන එන ලද බව වාර්තා වේ.

මත්ද්‍රව්‍ය භාවිතය සහ ජාවාරම ඇතුළු චෝදනා මත කුවේට්හිදී අත්අඩංගුවට ගෙන නැවත මෙරටට ගෙන එන ලද සිරකරුවන් අධිකරණ ක්‍රියාවලියට භාජනය වී, දඬුවම් නියම කර, පසුව සිරගත කරන බව සඳහන්ය.

ඔවුන් කුවේට් ගුවන් හමුදාවේ විශාලතම ගුවන් යානය වන බෝයිං සී -17 ගුවන් යානයකින් කටුනායක ගුවන් තොටුපළට පැමිණ තිබේ.

කුවේට් ආරක්ෂක නිලධාරීන් 50ක් පමණ සිරකරුවන් පැමිණ තිබු අතර, ශ්‍රී ලංකා බන්ධනාගාර දෙපාර්තමේන්තු නිලධාරීන් පිරිසක් සිරකරුවන් කොළඹ බන්ධනාගාරයකට මාරු කිරීම සඳහා ගුවන් තොටුපළේදී ඔවුන් හමුවී තිබිණි.

කුවේට් රාජ්‍යය සමඟ සිරකරුවන් හුවමාරු ගිවිසුම යටතේ ශ්‍රී ලාංකික සිරකරුවන් 52 දෙනෙකු අවස්ථා දෙකකදී ආපසු ගෙන්වා ඇතත්, තවමත් කුවේට් සිරකරුවන් කිසිවකු ශ්‍රී ලංකාවෙන් මාරු කර නොමැති බව ද වාර්තා වේ.

මෙම හුවමාරු ගිවිසුම 2007 දී අත්සන් කරන ලද අතර, ගිවිසුම යටතේ 2024 දී ශ්‍රී ලාංකික සිරකරුවන් 32 දෙනෙකු ආපසු මෙරටට පැමිණ ඇත.