මේ වසරේ ජනවාරි 01 වැනිදා සිට දෙසැම්බර් 13 වැනිදා දක්වා කාලය තුළ රට පුරා සිදුවූ රිය අනතුරුවලින් පුද්ගලයන් 2,243 දෙනෙකු මියගොස් ඇතැයි පොලිසිය වාර්තා කරයි.

මෙම කාලය තුළ මාර්ග අනතුරු 22,967 ක් වාර්තා වී ඇති අතර, 2,141 මාරක අනතුරු ලෙස වර්ගීකරණය කර ඇති ඇත. එය සියලුම සිදුවීම්වලින් 9% කි.

මීට අමතරව බරපතල අනතුරු 6,500ක් සහ සුළු අනතුරු 9,127 ක් වාර්තා වී ඇත.

ගතවූ පැය 24 තුළ පමණක් රිය අනතුරු හේතුවෙන් මරණ 13ක් වාර්තා වී තිබේ.

විශේෂයෙන් උත්සව සමයේ සිදුවන අනතුරු අවම කර ගැනීම සඳහා ගමන් බිමන් වලදී අවධානයෙන් කටයුතු කරන ලෙස පොලිසිය ජනතාවගෙන් ඉල්ලා සිටියි.