March 17, 2024
තම මතය අනුව රට පාලනය කිරීමට හැකියාව ඇති පුද්ගලයා සිටින්නේ කිසිදු සංවිධාන ව්යුහයක් හෝ මහජන සහයෝගයක් නොමැති එක්සත් ජාතික පක්ෂයේ බව ශ්රී ලංකා පොදුජන පෙරමුණේ නිර්මාතෘ බැසිල් රාජපක්ෂ පැවසීය.
ඔහු පවසන්නේ ජනාධිපතිවරණයක් ජයග්රහණය කිරීමට රටපුරා සංවිධාන ව්යුහයක්, මහජන සහයෝගයක් සහ හොඳ අපේක්ෂකයෙක් සිටීම අවශ්ය බවයි.
“ජනාධිපතිවරණයක් ජයග්රහණය කිරීමට රටපුරා සංවිධාන ව්යුහයක්, මහජන සහයෝගයක් සහ හොඳ අපේක්ෂකයෙක් අවශ්යයි. එජාපයේ රනිල් වික්රමසිංහ හොඳ අපේක්ෂකයෙක්, ඔහුට ආණ්ඩු කරන්න පුළුවන්. ඉහත සාධක තුනම ඒකාබද්ධ කිරීමට මට අවශ්යයි. ඒකෙන් තමයි රටට යහපතක් වෙන්නේ,” ඔහු පැවසීය.
ජනාධිපතිවරණයෙන් පසු මහ මැතිවරණය පැවැත්වෙන විට ජනතාව තර්කානුකූලව හෝ කල්පනාකාරීව ඡන්දය නොදෙන බව ඔහුගේ අදහසයි.
“යමෙක් ජනාධිපතිවරණයෙන් එක් ඡන්දයකින් හෝ ජයග්රහණය කළහොත් ඔහු හෝ ඇය නියෝජනය කරන පක්ෂයට පාර්ලිමේන්තුවේ සැළකිව යුතු බහුතරයක් ලබාගත හැකියි. මම හිතන්නේ නැහැ මේක හොඳ දෙයක් කියලා. ජනාධිපතිවරණයට පෙර මහ මැතිවරණයක් පැවැත්වුවොත් වඩා සමබර පාර්ලිමේන්තුවක් ඇතිවීමට වැඩි ඉඩක් තිබෙනවා.” යනුවෙන් පසුගිය සතියේ රූපවාහිනී සම්මුඛ සාකච්ඡාවකට එක්වෙමින් බැසිල් රාජපක්ෂ පැවසීය.
2020 මැතිවරණයේදී ශ්රී ලංකා පොදුජන පෙරමුණ තුනෙන් දෙකකට ආසන්න බහුතරයක් දිනාගත් බවත්, මෙය ඍණාත්මක ප්රතිවිපාක ඇති කළ බව තමා දැන් විශ්වාස කරන බවත් රාජපක්ෂ පැවසීය.
“අපි 2019 ජනාධිපතිවරණයත් ඊට පස්සේ 2020 මහ මැතිවරණයත් දිනුවා. දැන් මිනිස්සු හිතනවා බලය මේ විදියට ඒකරාශි නොවිය යුතුයි කියලා. මම හිතන්නේ ඕනෑවට වඩා බලය නරකයි, ”යනුවෙන් ඔහු පැවසීය.
මේ අනුව ඔහු ව්යංගයෙන් ප්රකාශ කරන්නේ පළමුව මහ මැතිවරණය පවත්වා පසුව ජනාධිපතිවරණය පවත්වන්නේ නම් එහිදී තම පක්ෂය රනිල් වික්රමසිංහට සහය ලබා දෙන බවය.
කෙසේවෙතත් මැතිවරණ සම්බන්ධයෙන් තමන් ජනාධිපතිවරයා සමඟ කිසිදු සාකච්ඡාවක් පවත්වා නොමැති බවද ඔහු පැවසීය.
“ජනාධිපතිවරණය පැවැත්වෙන දින ව්යවස්ථාවේ දක්වා තිබෙනවා. නමුත් ඊට පෙර මහ මැතිවරණය හෝ වෙනත් ඕනෑම මැතිවරණයක් පැවැත්විය හැකියි. මහ මැතිවරණයක් මුලින්ම පැවැත්විය යුතුයි කියලා හිතන පිරිසක් ඉන්නවා. කෙසේවෙතත්, ජනාධිපතිවරණයට පෙර මහ මැතිවරණයක් සඳහා අප බල කළ යුතුද යන්න පිළිබඳව ශ්රී ලංකා පොදුජන පෙරමුණ තීරණයක් ගෙන නැහැ ,” ඔහු පැවසීය.
රට පුරා සංවිධාන ව්යුහයන් ඇත්තේ පක්ෂ දෙකකට පමණක් බව බැසිල් රාජපක්ෂ පැවසීය.
එම පක්ෂ දෙක ලෙස ඔහු හඳුන්වා දුන්නේ ජනතා විමුක්ති පෙරමුණ සහ ශ්රී ලංකා පොදුජන පෙරමුණයි.
“මහජන සහයෝගය ඇති පක්ෂ දෙකක් තිබෙනවා, එනම් සමගි ජන බලවේගය සහ ශ්රී ලංකා පොදුජන පෙරමුණ. ඒ අනුව සංවිධාන ව්යුහයක් සහ මහජන සහයෝගය යන දෙකම ඇති එකම පක්ෂය අපියි,” යනුවෙන් ඔහු පැවසීය.
තමාට අනුව රට පාලනය කිරීමට හැකියාව ඇති පුද්ගලයා සිටින්නේ කිසිදු සංවිධාන ව්යුහයක් හෝ මහජන සහයෝගයක් නොමැති එක්සත් ජාතික පක්ෂයේ බව රාජපක්ෂ මහතා පැවසීය.
සමගි ජන බලවේගය හෝ ශ්රී ලංකා පොදුජන පෙරමුණට ඇති මහජන සහයෝගයක් ජාතික ජන බලවේගයට නොමැති බව ඔහු පැවසීය.
ශ්රී ලංකා පොදුජන පෙරමුණ, සමගි ජන බලවේගය, එක්සත් ජාතික පක්ෂය සහ ජාතික ජන බලවේගය එකට වැඩ කරනවාට තමන් කැමති බව ද බැසිල් රාජපක්ෂ පැවසීය.
“කවුරුහරි මේ බලවේග එකතු කරන්න ඕන. අපිත් බය නැහැ තනියම යන්න” යැයි ඔහු පැවසීය.
විධායක ජනාධිපති ක්රමයක් අවශ්ය නොවන බව ජනතාව විශ්වාස කරන බව ද බැසිල් රාජපක්ෂ පැවසීය.
